كيم چەن ىن ك ح د ر- دە كوروناۆيرۋس جۇقتىرۋ جاعدايلارىنىڭ نەگە جوق ەكەنىن ءتۇسىندىردى
ونىڭ ايتۋىنشا، بۇل ەڭبەك پارتياسىنىڭ جۇمىسى مەن حالىقتىڭ بىرلىگى ارقاسىندا، - دەپ حابارلايدى ر ي ا نوۆوستي.
كيم چەن ىن بەيسەنبى كۇنى ك ح د ر ەڭبەك پارتياسى ورتالىق كوميتەتىنىڭ ساياسي بيۋروسىنىڭ كەڭەيتىلگەن وتىرىسىنا قاتىستى.
«قۇرمەتتى جوعارى باسشى ەپيدەمياعا قارسى التى ايلىق مەملەكەتتىك توتەنشە جۇمىستى ناقتى تالداپ، دەنساۋلىق ساقتاۋ سالاسىنداعى الەمدىك داعدارىسقا قاراماستان، ءبىز قاتەرلى ۆيرۋستىڭ ءبىزدىڭ اۋماققا ەنۋىنە ءجۇز پايىز توسقاۋىل قويىپ جاتىرمىز جانە ەپيدەمياعا قارسى تۇراقتى جاعدايدى قولدايمىز»، - دەلىنگەن حابارلامادا.
اگەنتتىكتىڭ مالىمەتىنشە، كيم چەن ىن بۇل «پارتيا ورتالىق كوميتەتىنىڭ بۇيرىعى مەن وكىمى بويىنشا جۇمىس ىستەيتىن بۇكىل حالىقتىڭ جوعارى سانالى ۇيلەسىمدىلىگىنىڭ ارقاسىندا قول جەتكىزىلگەن جەتىستىك» ەكەنىن اتاپ ءوتتى.
رەسمي مالىمەتتەر بويىنشا، ك ح د ر- دا كوروناۆيرۋستى جۇقتىرۋدىڭ بىردە-ءبىر جاعدايى تىركەلگەن جوق.