+7 (701) 759 90 19
20 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قۇرباندىق مالىن قاشىقتان شالۋعا دا بولادى - ەرشات وڭعاروۆ

3 شىلدە 12:29
:ءبولىسۋ
قۇرباندىق مالىن قاشىقتان شالۋعا دا بولادى - ەرشات وڭعاروۆ

نۇر-سۇلتان. قازاقپارات - قۇرباندىق مالىن شالۋدى قاشىقتان ورىنداۋعا بولادى.

بۇل تۋرالى قازاقستان مۇسىلماندارى ءدىني باسقارماسى ءتوراعاسىنىڭ ورىنباسارى، نايب ءمۇفتي ەرشات وڭعاروۆ ايتتى، دەپ حابارلايدى قازاقپارات ءتىلشىسى.

«حالىقارالىق استرونوميالىق ينستيتۋتتاردىڭ بولجامى بويىنشا، بيىلعى قۇربان ايت اللا قالاسا 31- شىلدەگە ساي كەلەدى. دەگەنمەن، ونىڭ ناقتى كۇنىن سودان 10 كۇن بۇرىن جاريالاپ ايتامىز»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا ب ا ق وكىلدەرىنىڭ ساۋالىنا وراي.

سونىمەن قاتار ول قۇربان ايت مەيرامى كەزىندە قاتاڭ شەكتەۋ شارالارى سوزىلاتىن بولسا، وندا باسقارما تاراپىنان ناقتى جۇمىستار قولعا الىناتىنىن ايتتى.

«ەستەرىڭىزدە بولسا، ورازا ايت كەزىندە كارانتينگە بايلانىستى ايت نامازى وقىلماعان بولاتىن. بۇل جاعدايدا دا شەكتەۋ شارالارى سوزىلاتىن بولسا، ايت نامازىن وكىنىشكە قاراي مەشىتتە وقي المايمىز. الايدا قۇربان ايت مەيرامى قۇرباندىق شالۋمەن ەرەكشەلەنەدى. قۇرباندىق مالىن شالۋدى قاشىقتان دا ورىنداسا دا، تاپسىرىس بەرۋ ارقىلى ورىنداسا دا بولادى. اللا قالاسا، ءبىز وعان جاعداي جاساۋعا تىرىسامىز. ارينە، بۇل رەتتە جەرگىلىكتى اكىمدىك تاراپىنان رەتتەۋ جۇمىستارى بولادى. قۇرباندىق شالۋ ۋاقىتىنا كەلەر بولساق، بيىل 31- شىلدە دەپ وتىرمىز. سول كۇنى تاڭنان باستاپ ءۇش كۇن بويى كۇن باتقانعا دەيىن قۇرباندىق شالۋعا بولادى»، - دەدى نايب ءمۇفتي.

ونىڭ اتاپ وتۋىنشە، شاريعات قۇرباندىق شالۋدى بارلىق ادامعا جۇكتەمەيدى. تەك جاعدايى بار ادامدارعا عانا قۇرباندىق شالۋ مىندەتتەلەدى.

:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات