نۇر-سۇلتاندا كارانتين رەجيمىن ساقتاۋ بويىنشا رەيدتەر وتكىزىلۋدە

نۇر-سۇلتان. قازاقپارات - ەلوردادا كارانتين رەجيمىن ساقتاۋ بويىنشا رەيدتەر جالعاسۋدا، دەپ حابارلايدى اكىمدىكتىڭ رەسمي سايتى.

قالالىق ەرىكتىلەر شتابى پوليتسيا جانە سەس ماماندارىمەن بىرلەسىپ كەزەكتى رەيد كەزىندە كارانتين رەجيمىن بۇزىپ، كەلۋشىلەرگە كاليان ۇسىنعان بىرنەشە مەكەمەنى انىقتادى.

اتالعان ورىندارعا اكىمشىلىك جاۋاپكەرشىلىك جۇكتەلەدى.

«بۇعان دەيىن مەكەمەلەرگە كاليانعا تىيىم سالىنعانى تۋرالى ەسكەرتىلگەن. ءبىراق زاڭبۇزۋشىلىقتار بار، بۇل ينفەكتسيا قاۋپىن تۋدىرادى. ءبىز سانيتارلىق دارىگەرلەرمەن جانە پوليتسيامەن بىرگە رەيدتەرگە شىعامىز»، - دەيدى ەرىكتى اقۇلان تاستەمىر.

سانيتارلىق نورمالار ساقتالماعان جاعدايدا كاسىپورىندار جابىلادى. ەلوردادا كارانتين رەجيمى ساقتالۋدا. ازاماتتار قاتاڭ سانيتاريا نورمالارىن ساقتاۋى كەرەك: ماسكا تاعۋ، انتيسەپتيك قولدانۋ جانە الەۋمەتتىك قاشىقتىق ساقتاۋ ماڭىزدى.