ساراپشى پىكىرى: قازىرگى مىندەت - اۋرۋدىڭ تارالۋىن ازايتۋ

None
None
نۇر-سۇلتان. قازاقپارات - ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى زارەما شاۋكەنوۆا كارانتين شارالارىن قاتاڭداتۋ تۋرالى ءوز پىكىرىن ءبىلدىردى، دەپ حابارلايدى قازاقپارات.

«الەمنىڭ كوپتەگەن ەلدەرى سەكىلدى قازاقستاندا دا كۇردەلى ەپيدەميولوگيالىق جاعداي ورىن الدى. مۇنداي جاعدايدا پرەزيدەنت ق. ك. توقايەۆ پەن ۇكىمەت تاراپىنان قابىلدانعان شارالار تۋرالى حالىقتى مۇمكىندىگىنشە تەزىرەك اقپاراتتاندىرۋعا تىرىسۋ بايقالادى. كەشە پرەزيدەنت ق. ك. توقايەۆ ءوزىنىڭ Twitter پاراقشاسىندا ۇكىمەت 5-شىلدەدەن باستاپ ەلدە كارانتين ەنگىزۋ جوسپارىن ۇسىنعانىن، ال بۇگىن قازاقستاندا ەپيدەميولوگيالىق جاعدايدى تۇراقتاندىرۋ جونىندەگى مەملەكەتتىك كوميسسيانىڭ وتىرىسى ءوتتى دەپ جازدى. اۋرۋ بىرنەشە ايدىڭ ىشىندە الەمنىڭ 210 نان استام ەلىنە تارالدى. الەمنىڭ دامىعان ەلدەرى ءولىمنىڭ جوعارى دەڭگەيىن كورسەتىپ وتىر. مىسالى، ا ق ش-تا بۇل كورسەتكىش %5 دان اسادى»، - دەيدى ساراپشى.

قازاقستاندا 5-شىلدەدەن باستاپ كولىك، سۇلۋلىق سالوندارى، سپورت زالدارى، كوپشىلىك ءىس- شارالار، ءدامحانالار مەن مەيرامحانالاردىڭ جۇمىسىنا 14 كۇندىك شەكتەۋ شارالارى ەنگىزىلەدى.

«مۇنداي جۇمىس رەجيمى بارشا قازاقستاندىقتارعا بۇرىننان تانىس. قازىرگى ۋاقىتتا مەملەكەت باسشىسىنىڭ تاپسىرماسىمەن جۇقپالى ناۋقاسى بارلارعا ارنالعان توسەك-ورىن سانى %50 ارتىپ، 1400 قابىلداۋ بريگاداسى جۇمىس ىستەۋدە. قازىرگى ۋاقىتتا پ ت ر- سىناقتارىنا ارنالعان 8 جىلجىمالى زەرتحانا ساتىپ الىنۋدا. ال سىناقتاردىڭ وزدەرى رەسەيدەن، قىتايدان، گەرمانيادان ساتىپ الىنادى. ناۋرىزدا ەلىمىز ءومىر ءسۇرۋدىڭ وسىعان ۇقساس ەرەجەلەرىن باستان وتكەرگەن بولاتىن. ۇكىمەت جوسپارىندا كورسەتىلگەن شەشىمدەر شەكتەۋلىك سيپاتقا يە، ءبىراق شامادان تىس ەشتەڭە جوق. ماسەلەن، ايماقتار اراسىنداعى اۋە قاتىناسى ساقتالادى، جۇك جانە جولاۋشىلار پويىزدارىنىڭ قوزعالىسى ءبىرشاما شەكتەلەدى. الايدا، كوروناۆيرۋسقا تەستىدەن وتكەندىگى تۋرالى انىقتامانى ۇسىنۋدىڭ قاجەتى جوق. اسىرەسە ماۋسىمدىق فاكتوردى، دەمالىس كەزەڭى ەكەنىن ەسكەرەتىن بولساق، بۇل - وتە ماڭىزدى شارا»، - دەدى ز. شاۋكەنوۆا.

سونىمەن بىرگە، ساراپشى بارلىق قازاقستاندىقتاردىڭ ەلدەگى جاعدايدىڭ دامۋىنا بىردەي جاۋاپتى ەكەنىن ءتۇسىنۋ كەرەكتىگىن ايتتى. جەكەلەگەن ازاماتتاردىڭ ساقتىق شارالارىن ەسكەرمەۋى، ءتۇرلى مەرەكەلىك شارالاردى وتكىزۋ، قاراپايىم سانيتارلىق نورمالاردى ەلەمەۋ ەپيدەميولوگيالىق جاعدايدىڭ كۇردەلەنۋىنە الىپ كەلدى.

«وسىنداي شەكتەۋ شارالارى كوكتەمدە ايتارلىقتاي ءتيىمدى بولدى. ۇكىمەتتىڭ جوسپارى مەملەكەت باسشىسىنىڭ توراعالىعىمەن جاقىن كۇندەرى وتكەن كەڭەستە دەنساۋلىق ساقتاۋ ءمينيسترى ۇسىنعان ەكىنشى ستسەنارييىنە سايكەس كەلەدى. مينيسترلىك ساراپشىلارىنىڭ بولجامى بويىنشا، ەكى اپتالىق ۇلتتىق كارانتين كەزەڭىندە اۋرۋحاناعا جاتقىزۋدى قاجەت ەتەتىن اۋرۋلار سانى كۇنىنە 7 مىڭ جاعداي دەڭگەيىندە بولادى. قازىرگى نەگىزگى مىندەت - اۋرۋدىڭ تارالۋىن ازايتۋ جانە جاعدايدى جاعىمدى باعىتقا بۇرۋ»، - دەدى زارەما شاۋكەنوۆا.

اۆتور: ايجان سەرىكجان قىزى

سوڭعى جاڭالىقتار