ق ر پرەزيدەنتى «استانا» ح ق و باسقارۋ كەڭەسىنىڭ كەڭەيتىلگەن وتىرىسىن وتكىزدى

None
None
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ «استانا» حالىقارالىق قارجى ورتالىعى باسقارۋ كەڭەسىنىڭ كەڭەيتىلگەن وتىرىسىن وتكىزدى.

قازاقپارات بۇل تۋرالى اقورداعا سىلتەمە جاساپ حابارلايدى.

ونلاين فورماتتا وتكەن جيىندا قارالعان نەگىزگى ماسەلەلەردىڭ ءبىرى - قازاقستاننىڭ ەكونوميكالىق ءوسىمىن قايتا قالپىنا كەلتىرۋ جانە اتالعان ۇدەرىستەگى «استانا» حالىقارالىق قارجى ورتالىعىنىڭ (ا ح ق و) ءرولى. قاسىم-جومارت توقايەۆ ءوز سوزىندە ا ح ق و بيرجاسىنا بىلتىر پوليمەتالل، «قازاتومونەركاسىبى» ۇ ا ك» ا ق جانە Halyk Bank سەكىلدى ءىرى كورپوراتيۆتىك كومپانيالاردىڭ اكسيالارىنىڭ ءساتتى ورنالاستىرىلعانىن اتاپ ءوتتى.

قازاقستان پرەزيدەنتى پاندەميا مەن مۇناي باعاسىنىڭ قۇلدىراۋىنان تۋىنداعان جاھاندىق داعدارىس جاعدايىندا جانە دامۋشى ەلدەردىڭ نارىعىنان كاپيتالدىڭ كەتۋى كەزىندە ۇلتتىق ەكونوميكانى ءارتاراپتاندىرۋ ءۇشىن جاڭا رەفورمالاردى جۇزەگە اسىرۋ قاجەت ەكەنىن ايتتى.


مەملەكەت باسشىسىنىڭ پىكىرىنشە، ا ح ق و ەل دامۋىنىڭ ورتا مەرزىمدى پەرسپەكتيۆاعا ارنالعان ستراتەگيالىق باعىتىن ايقىنداۋ اياسىندا ەكونوميكالىق باستامالاردى جۇزەگە اسىرۋعا بەلسەندى اتسالىسۋى كەرەك.

- ءىرى ينۆەستورلاردى ءبىر عانا ەل اسا قىزىقتىرماۋى مۇمكىن، ال ساۋدا جانە ونەركاسىپتىك سالالار بويىنشا بايلانىسى مىعىم ەۋرازيالىق وداق پەن ورتالىق ازيانىڭ بۇكىل ايماعىن ەلەمەۋ قيىن. قازىرگى جاعدايدا وڭىردەگى ەلدەر اراسىنداعى كەز كەلگەن باسەكە ءوزارا كۇش بىرىكتىرۋ جانە دامۋعا ىنتالاندىرۋ تۇرعىسىنان قاراستىرىلۋى قاجەت دەپ سانايمىن. ينۆەستورلار وسى ەلدەردىڭ بىرىنە قىزىعۋشىلىق تانىتسا، بۇل وزگە مەملەكەتتەرگە دە تابىس اكەلەدى دەگەن ءسوز. وسىعان وراي ا ح ق و ءوزىنىڭ بىرەگەي مۇمكىندىكتەرى ارقىلى وڭىردەگى ەلدەردى بايلانىستىراتىن امبەباپ پلاتفورما رەتىندە قىزمەت اتقارا الادى، - دەدى پرەزيدەنت.

قاسىم-جومارت توقايەۆ قارجى ورتالىعى شەتەلدەن تىكەلەي ينۆەستيتسيا تارتۋ ءۇشىن ءوزىنىڭ الەۋەتىن تولىق پايدالاناتىنىنا سەنىم ءبىلدىردى. ا ح ق و- نىڭ مۇمكىندىكتەرى ەكونوميكالىق ءوسىمدى قايتا قالپىنا كەلتىرۋ ءۇشىن بارىنشا جۇمىلدىرىلۋى كەرەك.

- بۇل قارجى ورتالىعىنىڭ باستاپقى مىندەتىنە كىرمەگەن بولار، ءبىراق وزگەرىس ەنگىزەتىن ۋاقىت كەلدى. سونداي- اق ينۆەستيتسيا پورتفەلدەرى كۇشەيتۋدى قاجەت ەتەدى. قۇندى قاعازداردىڭ ىشكى نارىعى ءالى تولىق دامىعان جوق. سوندىقتان سەنىمدى ءارى ناقتى شارالار قابىلداۋ كەرەك. قارجى نارىعىن رەتتەۋ جانە دامىتۋ اگەنتتىگىنە ا ح ق و- مەن بىرىگىپ، قۇندى قاعازداردىڭ ىشكى نارىعىن ىقپالداستىرۋعا جانە دامىتۋعا باعىتتالعان جاڭا ءارى ناقتى نورماتيۆتىك بازا ازىرلەۋدى تاپسىرامىن، - دەدى قاسىم-جومارت توقايەۆ.

وتىرىس بارىسىندا ساراپشىلار مەن ا ح ق و باسقارۋ كەڭەسىنىڭ مۇشەلەرى وڭىردەگى جانە الەمدەگى ەكونوميكالىق جاعداي تۋرالى ءوز ويلارىن ورتاعا سالدى، سونداي-اق، ولار مەملەكەت باسشىسىنىڭ وزەكتى باستامالارىن قولداپ، «استانا» حالىقارالىق قارجى ورتالىعىنىڭ مۇمكىندىكتەرىن ۇلتتىق جانە وڭىرلىك دەڭگەيدە پايدالانۋ اياسىن كەڭەيتۋ جونىندەگى پىكىرلەرىمەن ءبولىستى.

جيىنعا J. P. Morgan Chase Internationاl كومپانياسىنىڭ بۇرىنعى باسقارما ءتوراعاسى دجەيكوب فرەنكەل، يسلام دامۋ بانكى توبىنىڭ پرەزيدەنتى باندار حادجار، ەۋروپا قايتا قۇرۋ جانە دامۋ بانكىنىڭ پرەزيدەنتى سەر سۋما چاكرابارتي، رەسەي سبەربانكىنىڭ پرەزيدەنتى جانە باسقارما ءتوراعاسى گەرمان گرەف، Citigroup ينۆەستيتسيالىق جانە كورپوراتيۆتىك بانكىنىڭ جاھاندىق ۇكىمەتتەر جانە مەملەكەتتىك سەكتور بلوگىنىڭ باسشىسى دجۋلي موناكو سەكىلدى باسقارۋ كەڭەسىنىڭ مۇشەلەرى قاتىستى.

سونداي-اق ناقتى شەشىمدەر دايىنداۋعا Goldman Sachs International كومپانياسىنىڭ ءتوراعاسى جوزە مانۋەل بارروزۋ، The Boston Consulting Group كومپانياسىنىڭ اعا كەڭەسشىسى انتونيو ريەرا، گارۆارد مەملەكەتتىك باسقارۋ مەكتەبىنىڭ پروفەسسورى جانە ءوسىم زەرتحاناسىنىڭ باسشىسى ريكاردو حاۋسمانن، FutureMap كومپانياسىنىڭ باسقارۋشى سەرىكتەسى پاراگ حاننا جانە الەمنىڭ باسقا دا جەتەكشى ساراپشىلارى اتسالىستى.

كەڭەيتىلگەن وتىرىس قورىتىندىسى بويىنشا «استانا» حالىقارالىق قارجى ورتالىعىنىڭ جىلدىق ەسەبى مەن ونىڭ 2025 -جىلعا دەيىنگى دامۋ ستراتەگياسى قابىلداندى.


سوڭعى جاڭالىقتار