+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

توتەنشە جاعداي رەجيمىن الىپ تاستاۋ قاتەلىك بولدى ما - توعجانوۆتىڭ جاۋابى

2 شىلدە 19:51
:ءبولىسۋ
توتەنشە جاعداي رەجيمىن الىپ تاستاۋ قاتەلىك بولدى ما - توعجانوۆتىڭ جاۋابى

نۇر-سۇلتان. قازاقپارات - بۇعان دەيىنگى قاتاڭ شەكتەۋ شارالارىن، سونىمەن بىرگە توتەنشە جاعداي رەجيمىن الۋ قاتەلىك بولدى ما؟

بۇل سۇراققا قاتىستى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ۇكىمەت باسشىسىنىڭ ورىنباسارى ەرالى توعجانوۆ جاۋاپ بەردى، دەپ حابارلايدى قازاقپارات ءتىلشىسى.

«جالپى مۇنى قاتەلىك دەپ ەسەپتەمەيمىن. قاتاڭ شەكتەۋ شارالارىن ەنگىزۋ، اتاپ ايتقاندا توتەنشە جاعداي رەجيمى سايىپ كەلگەندە باستاپقى كەزەڭدە ۆيرۋستىڭ جاپپاي تارالۋ قاۋپىن تەجەدى. مەديتسينالىق بازانى دايارلاۋعا بەلگىلى ءبىر ۋاقىت كەرەك ەدى. مىنە، باستى ماسەلەنىڭ ءبىرى وسى دەپ ويلايمىن. سونىمەن قاتار، ول كەزدە حالىق دا دايىن ەمەس ەدى. حالىقتى بەلگىلى ءبىر سانيتارلىق نورمالار مەن تالاپتارعا ۇيرەتۋ كەرەك بولدى. مەملەكەت ءاردايىم توتەنشە جاعداي رەجيمىندە ءومىر سۇرە المايدى. ەكونوميكا جۇمىس ىستەپ تۇرۋى ءتيىس. ەل ازاماتتارى ەڭبەك ەتىپ، ايلىق تابا الۋى كەرەك. ءاۋ باستاعى مىندەت - سانيتارلىق رەجيمدى كۇشەيتە وتىرىپ، كارانتين تالاپتارىن كەزەڭ-كەزەڭىمەن الۋ ەدى»، - دەدى ۇكىمەت باسشىسىنىڭ ورىنباسارى.

ونىڭ ايتۋىنشا، بۇرىن قويىلعان بۇل تالاپتار كۇشىندە قالعان.

«ءتىپتى كوروناۆيرۋستىڭ ەكىنشى تولقىنى دا كۇتىلگەن. ءبىز بارلىق ماسەلەگە دايىن بولۋىمىز كەرەك. ق ر باس مەملەكەتتىك سانيتارلىق دارىگەرى 20 كۇن بۇرىن بارلىق وڭىرگە، ناقتى اكىمدەردىڭ بارىنە مىندەت جۇكتەدى. اۋرۋ جاعدايىنا قاراي ءار اكىم ناقتى شارالاردى قابىلدايدى»، - دەدى ەرالى توعجانوۆ.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات