ىندەتتى جەڭۋگە بولادى - پرەمەر-ءمينيستردىڭ ورىنباسارى

None
None
نۇر-سۇلتان. قازاقپارات - قازىرگى قابىلدانعان شەشىمنىڭ جۇزەگە اسۋى ءار ازاماتقا تىكەلەي بالانىستى.

بۇل تۋرالى ق ر پرەمەر-ءمينيسترىنىڭ ورىنباسارى ەرالى توعجانوۆ ءمالىم ەتتى، دەپ حابارلايدى قازاقپارات.

«مەملەكەت باسشىسىنىڭ ناقتى تاپسىرماسى بەرىلدى. كوروناۆيرۋسقا بايلانىستى كۇردەلەنگەن ماسەلەلەردى شەشۋ بويىنشا جولدار ايقىندالدى. سوندىقتان ىندەتكە قاتىستى بارشامىز بىردەي جاۋاپكەرشىلىكپەن قاراعانىمىز ءجون. باسىندا كوروناۆيرۋسقا سەنبەگەن كەزدەر بولدى. وسى كۇماننىڭ ءبارى ارتتا قالدى دەپ ايتۋعا تولىقتاي نەگىز بار دەپ ويلايمىن. قازىرگى قابىلدانعان شەشىمنىڭ جۇزەگە اسۋى ءار ازاماتقا تىكەلەي بالانىستى»، - دەدى ە. توعجانوۆ ورتالىق كوممۋنيكاتسيالار قىزمەتىندە.

وسى ورايدا ول حالىقتان كارانتين شارالارىنا تۇسىنىستىكپەن قاراۋدى سۇرادى.

«وسى باعىتتا دۇرىس ءتۇسىنىپ، اتقارىلاتىن شارالاردا ءبىر-ءبىرىمىزدى تولىقتاي قولدايتىن بولساق، ىندەتتى جەڭۋگە بولادى»، - دەدى ۇكىمەت باسشىنىڭ ورىنباسارى.

ە. توعجانوۆتىڭ اتاپ وتۋىنشە، كوروناۆيرۋس ينفەكسياسىنا قارسى كۇرەس اياسىندا ەنگىزىلگەن شەكتەۋلەرگە قاراماستان، ەلىمىزدە تىعىلىپ توي تويلاۋ ءۇردىسى تىيىلماي جاتىر.

ەسكە سالا كەتەيىك، بۇگىن مەملەكەتتىك كوميسسيا ەپيدەميولوگيالىق جاعدايدى تۇراقتاندىرۋ جونىندەگى شارالاردى بەكىتكەن بولاتىن. قازاقستاندا ەپيدەميولوگيالىق احۋالدىڭ ءورشۋىن جانە كوروناۆيرۋس ينفەكسياسىمەن سىرقاتتانۋشىلىقتىڭ ءوسۋىن ەسكەرە وتىرىپ، مەملەكەتتىك كوميسسيا بيىلعى 5-شىلدەدەن باستاپ 14 كۇنگە كەلەسى شەكتەۋ شارالارىن ەنگىزۋ تۋرالى شەشىم قابىلدادى. كارانتين تالاپتارىن بۇزعان قازاقستاندىقتار ايىپپۇل تولەيتىن بولدى.

اۆتور: رۋسلان عابباسوۆ


سوڭعى جاڭالىقتار