ەرالى توعجانوۆ ەكى اپتالىق كارانتيننىڭ سەبەبىن ءتۇسىندىردى

None
None
نۇر-سۇلتان. قازاقپارات – ق ر پرەمەر-ءمينيسترىنىڭ ورىنباسارى ەرالى توعجانوۆ ەلىمىزدە نە سەبەپتى ەكى اپتالىق كارانتين ەنگىزۋ شەشىمى جاسالعانىن ءتۇسىندىردى، دەپ حابارلايدى قازاقپارات.

«بىرنەشە نۇسقا پىسىقتالدى. نەلىكتەن ەكى اپتالىق كارانتيندى تاڭدادىق؟ بىرىنشىدەن، حالىق اراسىندا ۆيرۋستىڭ تارالۋىن بارىنشا ازايتۋ ماقسات ەتىپ قويىلدى. ەكىنشىدەن، ينكۋباتسيالىق كەزەڭ ەكى اپتانى قۇراپ وتىر. ول ماڭىزدى مەرزىم جانە ونى ەسكەرۋ كەرەك بولدى. وسى ورايدا ءتيىستى ەسكەرتۋ جاسادىق»، - دەدى ە. توعجانوۆ ورتالىق كوممۋنيكاتسيالار قىزمەتىندە.

سونىمەن قاتار ول ەكى اپتالىق كارانتيننەن كەيىن قاتاڭ شارالاردى قابىلداۋ تۋرالى ءتيىستى ماسەلە كوتەرىلسە، وندا قاجەتتى كۇشەيتىلگەن شارالار ەنگىزىلۋى مۇمكىن ەكەنىن ايتتى.

ەسكە سالا كەتەيىك، بۇگىن مەملەكەتتىك كوميسسيا ەپيدەميولوگيالىق جاعدايدى تۇراقتاندىرۋ جونىندەگى شارالاردى بەكىتكەن بولاتىن. قازاقستاندا ەپيدەميولوگيالىق احۋالدىڭ ءورشۋىن جانە كوروناۆيرۋس ينفەكسياسىمەن سىرقاتتانۋشىلىقتىڭ ءوسۋىن ەسكەرە وتىرىپ، مەملەكەتتىك كوميسسيا بيىلعى 5-شىلدەدەن باستاپ 14 كۇنگە كەلەسى شەكتەۋ شارالارىن ەنگىزۋ تۋرالى شەشىم قابىلدادى. ۇكىمەت باسشىسى ەلىمىزدەگى ەپيدەميولوگيالىق احۋالدىڭ الداعى ۋاقىتتا قالاي وزگەرەتىنىنە بايلانىستى اتالعان شەكتەۋ شارالارى 2 اپتاعا ۇزارتىلۋى نەمەسە قاتاڭداتىلۋى مۇمكىن ەكەنىن اتاپ ءوتتى.

سوڭعى جاڭالىقتار