كارانتين: ساۋدا ورتالىقتارىنداعى قانداي نىساندار جۇمىسىن جالعاستىرادى
بۇل تۋرالى ق ر پرەمەر- ءمينيسترىنىڭ ورىنباسارى ەرالى توعجانوۆ ءمالىم ەتتى، دەپ حابارلايدى قازاقپارات.
«ەپيدەميولوگيالىق قاۋىپتى نىسانداردىڭ قىزمەتى ۋاقىتشا توقتاتىلادى، ونىڭ ىشىندە ساۋدا، ويىن- ساۋىق ورتالىقتارىنداعى ازىق-تۇلىك دۇكەندەرى مەن ءدارىحانالاردان باسقا ورىنداردىڭ جۇمىسى توقتايدى. ساۋدا ۇيلەرى مەن ساۋدا جەلىلەرىندە ازىق-تۇلىككە قاتىستى شەكتەۋ بولمايدى»، - دەدى ە. توعجانوۆ ورتالىق كوممۋنيكاتسيالار قىزمەتىندە.
وسى ورايدا ول جۇمىسىن جالعاستىراتىن نىسانداردا پەرسونالدىڭ قاۋىپسىزدىگى قامتاماسىز ەتىلۋى ءتيىس ەكەنىن اتاپ ءوتتى.
ەسكە سالا كەتەيىك، بۇگىن مەملەكەتتىك كوميسسيا ەپيدەميولوگيالىق جاعدايدى تۇراقتاندىرۋ جونىندەگى شارالاردى بەكىتكەن بولاتىن. قازاقستاندا ەپيدەميولوگيالىق احۋالدىڭ ءورشۋىن جانە كوروناۆيرۋس ينفەكسياسىمەن سىرقاتتانۋشىلىقتىڭ ءوسۋىن ەسكەرە وتىرىپ، مەملەكەتتىك كوميسسيا بيىلعى 5-شىلدەدەن باستاپ ەلىمىزدە 14 كۇنگە كەلەسى شەكتەۋ شارالارىن ەنگىزۋ تۋرالى شەشىم قابىلدادى. ال كارانتين تالاپتارىن بۇزعان قازاقستاندىقتار ايىپپۇل تولەيتىن بولدى.