ق ر پرەزيدەنتى رەسەي پرەزيدەنتىنە تەلەفون ارقىلى ريزاشىلىق ءبىلدىردى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ ۆلاديمير پۋتيندى رەسەي فەدەراتسياسىنىڭ كونستيتۋتسياسىنا وزگەرىستەر ەنگىزۋ جونىندەگى جالپىحالىقتىق داۋىس بەرۋدىڭ ناتيجەلى وتۋىمەن قۇتتىقتادى.

قازاقپارات بۇل تۋرالى اقورداعا سىلتەمە جاساپ حابارلايدى.

مەملەكەت باسشىسى رەسەيدىڭ جاڭا تاريحىنداعى بۇل ماڭىزدى وقيعا ەلدى ودان ءارى دامىتۋدىڭ جاڭا كەزەڭىنە جول اشىپ، ۇزاق مەرزىمدى دامۋ ستراتەگياسىن جۇزەگە اسىرۋدىڭ، مەملەكەتتىلىكتى، ەگەمەندىكتى جانە ەكونوميكالىق ءوسىمدى قورعاۋدىڭ بەرىك نەگىزىن قالاعانىن ايتتى.

سونداي-اق حالىقتىڭ رەسەي كوشباسشىسىنا جوعارى دەڭگەيدە قولداۋ كورسەتكەنىن اتاپ ءوتتى. سونىمەن قاتار قاسىم-جومارت توقايەۆ ۆلاديمير پۋتينگە كوروناۆيرۋس ىندەتىنىڭ تارالۋىنا قارسى كۇرەستە ەلىمىزگە گۋمانيتارلىق كومەك كورسەتۋ ماقساتىمەن دەر كەزىندە شەشىم قابىلداعانى ءۇشىن ريزاشىلىق ءبىلدىردى.