17:53, 02 - شىلدە 2020 | GMT +6
قازاقستانداعى كارانتين: قالالار اراسىندا بلوكپوستار قويىلمايدى
نۇر- سۇلتان. قازاقپارات - ق ر پرەمەر- ءمينيسترىنىڭ ورىنباسارى ەرالى توعجانوۆ ەلىمىز قالالارى اراسىندا بلوكپوستار بولمايتىنىن ايتتى، دەپ حابارلايدى قازاقپارات.
ورتالىق كوممۋنيكاتسيالار قىزمەتىندە وتكەن ونلاين باسپا ءسوز ءماسليحاتىندا ەلورداعا كىرۋگە نەمەسە قالادان شىعۋعا شەكتەۋلەر ەنگىزۋ مۇمكىندىگى تۋرالى سۇراق قويىلدى.
«قوزعالىسقا ەشقانداي انىقتامالار كەرەك ەمەس. ەكىنشىدەن، قالالار مەن وڭىرلەر اراسىندا بلوكپوستار ورناتىلمايدى»، - دەدى ە. توعجانوۆ.
سونىمەن قاتار ول وڭىرلەر اراسىنداعى جولاۋشىلار اۆتوبۋسى قاتىناسى ۋاقىتشا توقتايتىنىن ەسكە سالدى.
ەسكە سالا كەتەيىك، بۇگىن مەملەكەتتىك كوميسسيا ەپيدەميولوگيالىق جاعدايدى تۇراقتاندىرۋ جونىندەگى شارالاردى بەكىتكەن بولاتىن. وعان سايكەس، بيىلعى 5- شىلدەدەن باستاپ ەلىمىزدە 14 كۇنگە ءبىرقاتار شەكتەۋ شارالارىن ەنگىزۋ شەشىمى قابىلداندى.
اۆتور: رۋسلان عابباسوۆ