جەدەل جاردەم قىزمەتتەرى شاقىرىلعان ۇيلەردە ك ۆ ي بويىنشا تەستتى قاشان الا باستايدى
«قازىرگى ۋاقىتتا كەيبىر وڭىرلەر مۇنداي فورماتتا جۇمىس ىستەي باستادى. الايدا تولىققاندى شەشىم وسى اپتادا عانا قابىلدانعان بولاتىن. ءتيىستى نورماتيۆتى قۇجاتتى ءبىز قازىر دايىنداپ جاتىرمىز. جۇمىستىڭ بۇل فورماتىن ترانسفورماتسيالاعىمىز كەلەدى. وڭىرلەر اتالعان باعىتتاعى جۇمىستى وسى اپتادا باستايدى. الايدا كەلەسى جانە ودان ارعى اپتالاردا بۇل جۇمىستىڭ بەلسەندىلىگى ارتادى. الايدا بۇل رەتتە تەست تەك انىقتاما نەمەسە ك ۆ ي بەلگىسى بايقالعان جاعدايدا عانا الىنادى. جەدەل جاردەم عانا ەمەس، بۇل جۇمىستى موبيلدى بريگادالار دا جۇرگىزەدى. ولار دا ازاماتتاردىڭ ۇيىنە بارىپ، مەديتسينالىق كومەك پەن كەڭەس بەرەدى»، - دەدى دەنساۋلىق ساقتاۋ ءمينيسترى الەكسەي سوي و ك ق- دا وتكەن باسپا ءسوز ءماسليحاتىندا.
ەسكە سالا كەتسەك، جەدەل جاردەم بريگادالارى شاقىرىلعان جەرگە بارىپ، تەست الا باستايتىنىن مينيستر وسىدان ەكى كۇن بۇرىن حابارلاعان بولاتىن. وسىلايشا ءار وڭىردە COVID-2019 بويىنشا حالىقتى تەستپەن قامتۋ ءۇشىن ەپيدەميولوگيالىق احۋالعا بايلانىستى تالاپتاردى ايقىنداۋ كوزدەلىپ وتىر.
اۆتور: ايان بەكەن ۇلى