قازاقستاندىق تىڭايتقىش وندىرۋشىلەرگە ۋكراينا نارىعى ساقتالىپ قالدى

نۇر- سۇلتان. قازاقپارات - ۋكراينا تىڭايتقىشتاردىڭ يمپورتىنا قاتىستى قورعاۋ تەرگەپ- تەكسەرۋلەرىن شارالاردى قولدانباي اياقتادى. ۋكراينا نارىعى «قازفوسفات» ج ش س جانە «قازازوت» ا ق قازاقستاندىق كومپانيالارى وندىرەتىن تىڭايتقىشتارعا ارنالعان نەگىزگى وتكىزۋ نارىقتارىنىڭ ءبىرى بولىپ تابىلادى.

قازاقستاننىڭ ۋكرايناعا ورتاشا جىلدىق ەكسپورتى شامامەن 41 ميلليون ا ق ش دوللارىنا 110 مىڭ توننا قۇرايدى. مۇنداي نارىقتىڭ جابىلۋى وتاندىق كاسىپورىندارعا تەرىس اسەر ەتۋى مۇمكىن ەدى. تەرگەپ- تەكسەرۋ جۇرگىزۋدىڭ بۇكىل كەزەڭى ىشىندە قازاقستاننىڭ ساۋدا جانە ينتەگراتسيا مينيسترلىگى قازاقستاندىق زاۋىتتاردىڭ مۇددەلەرىن قورعاپ، ۋكراينانىڭ ۋاكىلەتتى ورگانىمەن تىعىز ىنتىماقتاستىق ورناتتى، دەپ حابارلايدى اتالعان ۆەدومستۆونىڭ باسپا ءسوز قىزمەتى.

قازاقستاندىق ساۋدا مينيسترلىگىنىڭ باستاماسىمەن قازاقستاندىق تىڭايتقىشتار ءۇشىن كۆوتالار بەرۋ نەمەسە قازاقستاندىق تاۋاردى شارا قولدانىسىنان شىعارۋ ماسەلەسى قاراستىرىلدى. سونداي- اق قازاقستاندىق تاراپ ۋكراينانىڭ ۋاكىلەتتى ورگانىنىڭ شەشىمىن سوت تارتىبىمەن داۋلاۋ مۇمكىندىگىن جوققا شىعارمادى. الايدا، ۋكراينا سالاسىنداعى كەلتىرىلگەن دالەلدەر مەن جاعداي ءوز كۇشىن الىپ، قورعاۋ شارالارى ناتيجەسىندە قابىلدانعان جوق. جۇرگىزىلگەن جۇمىستىڭ ناتيجەسىندە قازاقستاندىق كومپانيالار ءداستۇرلى وتكىزۋ نارىعىنا ەكسپورتتى جالعاستىرا الادى.

www.24.kz