+7 (701) 759 90 19
18 °С : نۇر-سۇلتان
20 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاننىڭ ەسترادا جۇلدىزدارى توي تويلاماي، ۇيدە وتىرۋعا شاقىردى

2 شىلدە 15:07
:ءبولىسۋ
قازاقستاننىڭ ەسترادا جۇلدىزدارى توي تويلاماي، ۇيدە وتىرۋعا شاقىردى

الماتى. قازاقپارات - قازاقستان ەسترادا جۇلدىزدارى ازاماتتاردى كارانتين تالاپتارىن ساقتاپ، ۇيدە وتىرۋعا شاقىردى، دەپ حابارلايدى قازاقپارات ءتىلشىسى.

بەلگىلى ءانشى مەيرامبەك بەسپايەۆ Instagram پاراقشاسىندا قازاقستاندىقتاردى ساعىنىپ جۇرگەنىن جازدى.

«قادىرلى اعايىن، اتى جامان ىندەت كۇن وتكەن سايىن كۇشەيىپ بارا جاتىر. مەن تانيتىن ءبىراز جاقىن ادام سىرقاتتانىپ قالدى. اركىم ءارتۇرلى اڭگىمە ايتىپ، سان- ساققا جۇگىرتۋدە. بارىنشا اباي بولىڭىزدارشى. اۋىرىپ جاتقان جاندارعا اللا شيپاسىن بەرسىن. جانىما جاقىن جانداردى، سىرى بىرگە دوستاردى، جالپى ءبارىڭىزدى ساعىنىپ ءجۇرمىن. جارقىلداپ كۇلىپ، ايقارا قۇشاق اشىپ، «باۋىرىم» دەپ باۋىرعا باسىپ امانداساتىن كۇنگە جەتەيىكشى. اللادان اماندىقتارىڭىزدى تىلەيمىن» دەپ جازدى ءانشى.

ال اكتريسا، ءانشى ايگۇل يمانبايەۆا COVID-19 جۇقتىرماۋدىڭ ماڭىزدى 5 قاعيداسىن جاريالادى. «اۋىرىپ ەم ىزدەگەنشە، اۋىرمايتىن جول ىزدە» دەيتىن ناقىل ءسوزدى ەسكەرە وتىرىپ، COVID-19 ۆيرۋسىنىڭ الدىن الۋ ءۇشىن وسى نۇسقاۋلىقتى ساقتاعاندارىڭىز وتە ابزال»، - دەيدى ول.

ءانشى قاراقات ءابىلدينا 3 كۇن بۇرىن ءوزىنىڭ دە سىرقاتتانىپ قالعانىن جازدى.

«مىنا ۆيرۋس مەنى دە اينالىپ وتكەن جوق. ەشقايدا شىعىپ، ەشكىممەن كەزدەسپەگەن ەدىم، قايدان جۇقتى، تۇسىنبەيمىن. نەگىزى اۋادا بىردەڭە بار- اۋ. كۇندە جاۋىن جاۋىپ، اۋا رايى دا سۋىپ كەتىپ ەدى. ونىڭ دا اسەرى بولدى ما، بىلمەيمىن عوي. تەمپەراتۋرا جوق. تاماقتان باستالىپ، مۇرنىم بىتەلىپ، كادىمگى تۇماۋ سياقتى توبەمنەن السىزدىك باستى. دەنەم بىرەسە توڭىپ، بىرەسە ىسىپ، ءبىرىنشى كۇنى مازام بولمادى. بۇنداي جاعدايدا ادامعا بايبالام سالۋ كومەكتەسپەيدى. جامان ويعا بەرىلمەي، ەمدى جاقسى ويمەن قابىلداۋ وتە ماڭىزدى. بىردەن تامىردان ۆيتامين ارالاستىرىپ، اسكوربين قىشقىلى مەن گليۋكوزا الىپ باستادىم. كەشەگى سالعان ءتاسىل بويىنشا ينگالياتسيا جاساپ، تاماق مۇرىندى شايىپ، سۇيىقتىقتى كوپ ءىشىپ، سورپالانىپ جىلى ورانىپ جاتىرمىن. بالالارىمىزعا ساق بولايىقشى. اۋىرعان ادام بولەك بولمەدە بولىپ، بالالارعا جاقىنداماعانى دۇرىس. ۆيرۋسقا قارسى انافەرون، «C» دارىمەنىن ىشكىزىپ، الدىن الماسا بولمايدى. بولمەنى كۆارتستاپ، اۋانى تازارتىپ تۇرۋ دا وتە ماڭىزدى. شۇكىر، جاعدايىم كەشەگىدەن قاراعاندا جاقسارىپ كەلەدى. اللا بارشامىزعا جار بولسىن. بارلىعى جاقسى بولادى»، - دەپ جازدى قاراقات ءابىلدينا.

ايتا كەتەيىك، اكتريسا اسەل سادۋاقاسوۆا كوروناۆيرۋس جۇقتىرعان بولاتىن. «مەن اۋىرىپ قالدىم. ماعان جۇقپايدى دەپ قاتتى ۇمىتتەنىپ ەدىم. بۇكىل اينالام اۋىرىپ جاتقاندا جۇقپاۋى مۇمكىن ەمەس. مەن ءۇشىن دۇعا تىلەپ قويىڭىزدارشى. بۇل جازبامدا بارلىعىڭىزعا دەنساۋلىق تىلەيمىن. مەن سياقتى قىدىرىپ جۇرمەڭىزدەرشى»، - دەدى اكريسا.

اۆتور: گۇلميرا عوسمانالي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات