ەلباسىنىڭ ەل قاۋىپسىزدىگىن قامتاماسىز ەتكەن تاعدىرشەشتى شەشىمى قانداي
«مەملەكەتتىك قۇرىلىس پەن جاڭا رەسپۋبليكانى باسقارۋ ءداستۇرى جوق، كادر تاپقىشىلىعى وتكىر تۇرعان جانە الەۋمەتتىك- ەكونوميكالىق داعدارىس تەرەڭدەپ كەتكەن جاعدايدا ەلىمىزدىڭ تۇڭعىش پرەزيدەنتى نۇرسۇلتان نازاربايەۆقا مينۋت سايىن ماڭىزدى تاريحي شەشىمدەر قابىلداۋ قاجەت بولدى. ولاردىڭ ءارقايسىسى بۇكىل مەملەكەتتىڭ بولاشاق تراەكتورياسىن ايقىنداۋ ۇزاق مەرزىمدى اسەرى بولدى جانە ءوز تۇزەتۋلەرىن ەنگىزىپ وتىردى. بۇعان قوسا ەلگە تونگەن ساياسي- ەكونوميكالىقتان باستاپ الەۋمەتتى جانە ەتنوسارالىق مىندەتتەر مەن پروبلەمالاردىڭ بارلىعىن كەشەندى تۇردە شەشۋ دە قاجەت ەدى. ونىڭ ۇستىنە ءتۇرلى توپتار تاراپىنان كسەنوفوبيا مەن قاقتىعىستارعا وت تاستاۋعا تىرىسقان ارانداتۋشىلار دا بولدى»، - دەدى ول «نۇرسۇلتان نازاربايەۆ. جاۋاپتى باسشىلىق: ساباقتاستىق پەن ەۆوليۋتسيا» تاقىرىبىنداعى حالىقارالىق كونفەرەنسيا بارىسىندا.
ونىڭ اتاپ وتۋىنشە، وسىنداي قيىن- قىستاۋ كەزەڭدە نۇرسۇلتان نازاربايەۆ ەلىمىزدەگى ەتنيكالىق توپتاردىڭ باسىن بوسقان قازاقستان حالقى اسسامبلەياسىن قۇرۋعا ۇيىتقى بولدى. سول ساتتەن باستاپ ولاردىڭ اراسىندا تۋىنداعان كەز كەلگەن شيەلەنىس كەلىسسوز ۇستەلىندە شەشىلدى. سونىمەن قاتار ول ەلباسىنىڭ قازاق مەملەكەتىنىڭ شەكاراسىن شەگەندەپ، كورشى ەلدەرمەن ورتاق كەلىسىمگە كەلە العان ەرلىگىن دە ايرىقشا اتاپ ءوتتى. «ناتيجەسىندە بۇگىندە قازاقستان شەكاراسى بۇكىل ءون بويىندا تولىقتاي دەليميتاتسيالاندى»، - دەدى تالعات قاليەۆ.
اۆتور: مارلان جيەمباي