+7 (701) 759 90 19
13 °С : نۇر-سۇلتان
20 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەلوردادا اۋقىمدى اباتتاندىرۋ جۇرگىزىلۋدە

2 شىلدە 14:04
:ءبولىسۋ
ەلوردادا اۋقىمدى اباتتاندىرۋ جۇرگىزىلۋدە

نۇر- سۇلتان. قازاقپارات - بيىل ەلوردادا 150 گە جۋىق اۋلا اباتتاندىرىلادى، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.

اۋلالاردى اباتتاندىرۋ، كوگالداندىرۋ، ىشكى ورامدىق جولداردى جوندەۋ مەن جارىقتاندىرۋ جۇمىستارىنا ايرىقشا ءمان بەرىلۋدە. قازىر قالا اۋماعىندا 1560 اۋلا بار. ولاردىڭ شامامەن 70 پايىزى اباتتاندىرىلعان. بۇل جۇمىستار قالانىڭ بارلىق اۋداندارى بويىنشا قارقىندى جۇرۋدە. بيىل 150 اۋلا مەن 50-گە جۋىق قوعامدىق ورىن اباتتاندىرىلادى.

اتاپ ايتقاندا، سارى ارقا اۋدانىندا – 40، الماتى اۋدانىندا – 33، بايقوڭىر اۋدانىندا – 70، ەسىل اۋدانىندا - 20 اۋلا اباتتاندىرىلىپ، تۇرعىندار يگىلىگىنە بەرىلەدى. بۇل رەتتە اۋلا اۋماقتارىن، ويىن الاڭدارىن جاساۋ ازاماتتاردىڭ پىكىرلەرىن ەسكەرە وتىرىپ جۇرگىزىلىپ جاتقانىن اتاپ وتكەن ءجون. ول ءۇشىن بيىل بارلىق باعىتتاردا «بيۋدجەتكە قاتىسۋ» باعدارلاماسى ىسكە قوسىلدى. ياعني، قاي اۋلانى اباتتاندىرۋ كەرەك جانە بالالار الاڭىندا نەنى كورگىسى كەلەتىنىن تۇرعىنداردىڭ وزدەرى شەشەدى.

ايتالىق، سارى ارقا اۋدانىندا جوندەۋ جوسپارلانعان 40 اۋلانىڭ 13- ءى «بيۋدجەتكە قاتىسۋ» جوباسى بويىنشا جۇزەگە اسۋدا. ەسىل اۋدانىندا دا بيىل 20 جاڭا اۋلا سالىنادى. سونداي- اق 5 قوعامدىق كەڭىستىك اباتتاندىرىلۋدا.

«اۋلا اۋماقتارىن اباتتاندىرۋدا بارلىق زاماناۋي ستاندارتتار ەسكەرىلگەن. قولدانىلاتىن ماتەريالدار سەرتيفيكاتتالعان. سپورت الاڭدارىندا قاۋىپسىز رەزەڭكە توسەمدەر، جاتتىعۋ كەشەندەرى ورناتىلدى. سونداي- اق اۋماعى بويىنشا سايكەس كەلەتىن اۋلالاردىڭ بارلىعىنا فۋتبول، ۆولەيبول جانە باسكەتبول الاڭدارى سالىنۋدا. ال شاعىن ساۋلەتتىك نىسانداردى ورناتقان كەزدە جاراقات الۋ جاعدايىن بولدىرماس ءۇشىن جەكە قاۋىپسىزدىك ايماعى ەسكەرىلەدى»، - دەيدى ماماندار.

ال بايقوڭىر اۋدانىندا 20 اۋلانى اباتتاندىرۋ بويىنشا جۇمىستار اياقتالدى. «اۋدان بويىنشا بيىل 70 اۋلانى قايتا جاڭعىرتۋ جوسپارلانعان. سونىمەن قاتار تۇرعىن الاپتارى دا اباتتاندىرىلۋدا»، - دەيدى بايقوڭىر اۋدانىنىڭ اباتتاندىرۋ ءبولىمىنىڭ باستىعى نۇربول ايتبەكوۆ.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات