+7 (701) 759 90 19
22 °С : نۇر-سۇلتان
31 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قوعامدىق ورىنداردا ماسكا تاقپاعاندارعا قوماقتى ايىپپۇل سالىنادى

2 شىلدە 11:43
:ءبولىسۋ
قوعامدىق ورىنداردا ماسكا تاقپاعاندارعا قوماقتى ايىپپۇل سالىنادى

بريۋسسەل. قازاقپارات - ەۋروپا ەلدەرى كوروناۆيرۋس پاندەمياسىنا بايلانىستى ەنگىزىلگەن شەكتەۋ شارالارىن جەڭىلدەتۋدى جالعاستىرۋدا.

ەۋروپادا ينفەكتسيانىڭ تارالۋ دەڭگەيىنىڭ ازايۋىنا قاراماستان، كوپتەگەن مەملەكەتتىڭ بيلىك ورگاندارى ازاماتتاردان بۇرىنعىداي ماسكا كيۋدى جانە قوعامدىق ورىنداردا الەۋمەتتىك قاشىقتىقتى ساقتاۋدى تالاپ ەتەدى. ەرەجەنى ساقتاماعاندارعا ايىپپۇل سالىنادى، دەپ حابارلايدى قازاقپاراتتىڭ مەنشىكتى ءتىلشىسى.

گەرمانيانىڭ بارلىق فەدەرالدى شتاتتارى قوعامدىق ورىنداردا جانە كولىكتە ماسكا تاعۋدى ۇيعاردى. ەلدىڭ كەيبىر ايماقتارىندا ءتارتىپ بۇزۋشىلارعا بىرنەشە مىڭ ەۋروعا دەيىن كوپ مولشەردە ايىپپۇل سالىنادى.

مۇندا «ماسكالىق رەجيمدى» ەنگىزۋدىڭ سەبەپتەرىنىڭ ءبىرى گەرمانياداعى ءبىرىنشى بولىپ تۇرعىندارىنا ماسكا تاعۋ مىندەتتەلگەن يەنا قالاسىنىڭ وڭ تاجىريبەسى بولدى. قالا بيلىگى جاڭا ەرەجەلەر ەنگىزىلگەننەن كەيىن كوروناۆيرۋسپەن كۇرەستە ايتارلىقتاي جەتىستىككە جەتتى دەپ مالىمدەيدى.

يسپانيا ۇكىمەتى قوعامدىق ورىنداردا شەكتەۋسىز مەرزىمگە قورعانىش ماسكالارىن تاعۋ بويىنشا تالاپتار ەنگىزگەن. ەگەر 1,5 مەتر الەۋمەتتىك قاشىقتىقتى قامتاماسىز ەتۋ مۇمكىندىگى بولماسا، ماسكا جابىق عيماراتتاردا جانە اشىق اۋادا كيۋ كەرەك. بۇل ەرەجەنى بۇزعانى ءۇشىن 100 ەۋرو كولەمىندە ايىپپۇل قاراستىرىلعان.

فرانسيادا قوعامدىق كولىكتىڭ بارلىق تۇرلەرىندە، سونىڭ ىشىندە تاكسيدە ماسكا تاعۋ كەرەك. ءتارتىپ بۇزۋشىلارعا 135 ەۋرو كولەمىندە ايىپپۇل سالىنادى. 1,5 مەتر قاشىقتىقتى ساقتاۋ جانە قوعامدىق كولىكتەردە ماسكا تاعۋ تالابى نيدەرلاندىدا دا بەلگىلەنگەن. ەرەجەنى ساقتاماعاندارعا تيىسىنشە 400 جانە 90 ەۋرو كولەمىندە ايىپپۇل سالىنادى.

ماسكاسى بولماعانى ءۇشىن بەلگيادا قوعامدىق كولىكتە جۇرگەن جولاۋشىعا 250 ەۋرو ايىپپۇل سالىنادى. اۆستريادا قوعامدىق كولىكتە، ءدارىحانالاردا، اۋرۋحانالاردا جانە قىزمەت كورسەتۋ سالاسىندا ماسكا تاعۋ مىندەتتى.

زاڭ بۇزۋشىلار 3,6 مىڭ ەۋروعا دەيىن ايىپپۇل تولەيدى. جاڭا ەرەجەلەردى ساقتاماعان كومپانيالارعا 30 مىڭ ەۋروعا دەيىن ايىپپۇل سالىنۋى مۇمكىن.

پولشادا قوعامدىق كولىكتە، دۇكەندە، شاشتارازدا جانە ءدىني مەكەمەلەردە جۇرگەندە ماسكا تاعۋ ءالى دە مىندەتتى. پولياك پوليتسياسى ماسكاسىز كليەنتتەرگە 500 زلوتا (شامامەن 110 يەۆرو) مولشەرىندە ايىپپۇل سالا الادى. ماسكانى تاعۋ تالابى لاتۆيا، سلوۆەنيا، يتاليا، ۆەنگريا، گرەتسيا، پورتۋگاليا جانە رۋمىنيا سياقتى ەۋروپا ەلدەرىندە ساقتالعان.

وسى مەملەكەتتەردىڭ بارلىعىندا «ماسكالىق رەجيمدى» بۇزعانى ءۇشىن ايىپپۇل سالۋ قاراستىرىلعان.

ەۋروپالىق بيلىك كوروناۆيرۋستىڭ ەكىنشى تولقىنىن كۇتەدى جانە ازاماتتاردى جاۋاپتى بولۋعا شاقىرادى: قاشىقتىقتى ساقتاپ، ماسكا كيۋ مىندەتتى بولماسا دا ونى تاعۋعا كەڭەس بەرەدى. ە و ەلدەرىنىڭ مەملەكەت جانە ۇكىمەت باسشىلارى ءوز ازاماتتارىنا كوروناۆيرۋس جۇقتىرعان ادامدار سانىنىڭ كۇرت ءوسۋى جاعدايىندا شەكتەۋ شارالارى كۇشەيتىلەتىنىن ەسكەرتتى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات