+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ب ۇ ۇ قاۋىپسىزدىك كەڭەسى الەمدەگى قاقتىعىستاردى توقتاتۋعا شاقىردى

2 شىلدە 09:58
:ءبولىسۋ
ب ۇ ۇ قاۋىپسىزدىك كەڭەسى الەمدەگى قاقتىعىستاردى توقتاتۋعا شاقىردى

نۇر-سۇلتان. قازاقپارات - قاۋىپسىزدىك كەڭەسى COVID-19 حالىقارالىق بەيبىتشىلىك پەن قاۋىپسىزدىككە توندىرەتىن قاۋىپ-قاتەرىن مويىنداپ، بۇگىن ب ۇ ۇ باس حاتشىسىنىڭ جاۋىنگەرلىك ءىس-قيمىلداردى جالپىعا بىردەي جانە ءۇش ايعا دەرەۋ توقتاتۋعا شاقىرعان ۇندەۋىن قولدادى.

وق اتۋدى توقتاتۋ تەرروريستىك توپتارعا قارسى وپەراتسيالارعا قولدانىلمايدى، دەپ حابارلايدى قازاقپارات ب ۇ ۇ جاڭالىقتارىنا سىلتەمە جاساپ.

ءبىراۋىزدان قابىلدانعان قاراردا قاۋىپسىزدىك كەڭەسىنىڭ مۇشەلەرى COVID 19 پاندەمياسى بارلىق ەلگە، اسىرەسە قاقتىعىس ءجۇرىپ جاتقان نەمەسە گۋمانيتارلىق داعدارىس ءجۇرىپ جاتقان ەلدەرگە جويقىن اسەر ەتەتىنىن اتاپ ءوتتى.

ءوز كەزەگىندە، «جانجال جاعدايلارىنداعى زورلىق-زومبىلىق پەن تۇراقسىزدىق جاعدايى پاندەميانى ءورشىتۋى مۇمكىن». بۇرىن-سوڭدى بولماعان پاندەميا «حالىقارالىق بەيبىتشىلىك پەن قاۋىپسىزدىكتى قولداۋعا قاۋىپ توندىرە الاتىنىن» ەسكەرە وتىرىپ، قاۋىپسىزدىك كەڭەسىنىڭ مۇشەلەرى قارۋلى قاقتىعىستارعا قاتىسۋشى بارلىق تاراپتى كەمىندە 90 كۇنگە گۋمانيتارلىق ءۇزىلىس الۋعا شاقىردى.

بۇل گۋمانيتارلىق قىزمەتكەرلەرگە كەدەرگىسىز جانە ۇنەمى وزىنە قاۋىپ توندىرمەي، مۇقتاج ادامدارعا قاجەتتى كومەك كورسەتۋگە مۇمكىندىك بەرەدى. الايدا، قاراردىڭ اۆتورلارى اتاپ وتكەندەي، گۋمانيتارلىق ءۇزىلىس پەن وق اتۋدى توقتاتۋ ي ش ي م، «ال-كايدا» جانە «ا ن-نۋسراعا»، سونداي-اق ولارمەن بايلانىستى بارلىق توپتار مەن ۇيىمدارعا جانە قاۋىپسىزدىك كەڭەسى تەرروريستىك دەپ تانىعان باسقا دا توپتارعا قارسى اسكەري وپەراتسيالارعا قولدانىلمايدى.

كەڭەس مۇشەلەرى سونداي-اق ب ۇ ۇ- نىڭ بارلىق بولىمشەلەرىنە قارۋلى قاقتىعىستى نەمەسە گۋمانيتارلىق داعدارىستى باستان كەشىرگەن ەلدەرگە ەرەكشە نازار اۋدارا وتىرىپ، پاندەمياعا جاۋاپ رەتىندە نەعۇرلىم بەلسەندى ءىس-قيمىل جاساۋدى ۇسىندى.

ولار ب ۇ ۇ باسشىسىنا ب ۇ ۇ- نىڭ بىتىمگەرشىلىك ميسسيالارىنا «ءوز مانداتتارى مەن مۇمكىندىكتەرىنە قاراي وتىرىپ، قابىلداۋشى ەلدەردىڭ بيلىكتەرىنە پاندەميانى تەجەۋ بويىنشا كۇش-جىگەرىنە قولداۋ كورسەتۋدى» تاپسىرۋعا وكىلەتتىك بەردى.

23- ناۋرىزدا ب ۇ ۇ باس حاتشىسى انتونيۋ گۋتەرريش بۇكىل الەم بويىنشا قارۋلى قاقتىعىستاردىڭ بارلىق تاراپتارىنا اسكەري ءىس-قيمىلداردى توقتاتۋعا جانە COVID 19 پاندەمياسىمەن كۇرەسۋگە شاقىردى.

«ءبىز ناسىلدەردى، ۇلتتاردى نەمەسە سەنىمدەردى اجىراتىپ تالعامايتىن بارىمىزگە ورتاق جاۋعا تاپ بولدىق»، - دەپ ەسكە سالدى ب ۇ ۇ باسشىسى.

سونىمەن قاتار، بۇكىل الەم بويىنشا پاندەميا ءقاۋپىن كۇشەيتەتىن جانە ونىمەن كۇرەسۋگە مۇمكىندىك بەرمەيتىن اسكەري قاقتىعىستار ورىن الۋدا. گۋتەرريش «قارۋلى قاقتىعىستارعا «كارانتين» جاريالاۋدىڭ جانە بارلىق كۇشتى ءبىزدىڭ ومىرىمىزگە بايلانىستى بولاتىن كۇرەسكە جۇمىلدىراتىن ۋاقىت كەلەتىنىن» مالىمدەدى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات