+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندا جىل باسىنان باعالار قانشا پايىزعا قىمباتتادى؟

2 شىلدە 09:44
:ءبولىسۋ
قازاقستاندا جىل باسىنان باعالار قانشا پايىزعا قىمباتتادى؟

نۇر-سۇلتان. قازاقپارات - 2020-جىلعى قاڭتار-ماۋسىم ارالىعىندا قازاقستاندا ينفلياتسيا 4,2 پايىزدى قۇرادى.

قازاقپارات بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنە سىلتەمە جاساپ حابارلايدى.

بيىلعى التى ايدا (2020-جىلعى ماۋسىم 2019-جىلعى جەلتوقسانعا) ازىق-تۇلىك تاۋارلارىنا باعا - 7,3 پايىز، ازىق-تۇلىك ەمەس تاۋارلارىنا - 2,6 پايىز، اقىلى قىزمەتتەرگە 1,4 پايىز قىمباتتاعان.

اتاپ ايتقاندا، جىل باسىنان (2020-جىلعى ماۋسىم 2019-جىلعى جەلتوقسانعا) باعانىڭ قىمباتتاۋى جەمىستەرگە - 21,2 پايىز، كوكونىستەرگە - 15,6 پايىز، جارمالارعا - 14,6 پايىز، قوي ەتىنە - 10,7 پايىز، قۇمشەكەرگە - 10,6 پايىز، ماكارون ونىمدەرىنە - 9,3 پايىز، سارى مايعا - 8,9 پايىز، ۇنعا - 8,8 پايىز، ەت ونىمدەرىنە - 8,5 پايىز، جىلقى ەتىنە - 8,2 پايىز، سيىر ەتىنە - 7,4 پايىز، مايەكتى ىرىمشىككە - 7,3 پايىز، مۇزداتىلعان بالىققا - 6,1 پايىز، شايعا - 5,9 پايىز، شوشقا ەتىنە - 5,5 پايىز، شۇجىق ونىمدەرىنە - 5,4 پايىز، توقاش جانە ۇننان دايىندالاتىن ونىمدەرىنە - 4,6 پايىز، پاستەرلەنگەن سۇتكە - 4,5 پايىز، قىشقىل ءسۇت ونىمدەرىنە - 3,7 پايىز، نانعا - 3,4 پايىز، سۇزبەگە 3,3 پايىز بەلگىلەندى.

مينەرالدى جانە اۋىزسۋ - 6,8 پايىز، تەمەكى ونىمدەرى - 5,4 پايىز، سالقىنداتىلعان سۋسىندار 4 پايىز قىمباتتادى.

كەرىسىنشە، جۇمىرتقا - 3,6 پايىز، كۇرىش - 2,7 پايىز، سوك 2,4 پايىز ارزانداعان.

باعا ءوسىمى جۋۋ جانە تازالاۋ قۇرالدارىنا - 5,8 پايىز، ءدارى-دارمەككە - 5,6 پايىز، جەكە قولدانىلاتىن تاۋارلارعا - 5,3 پايىز، تۇرمىستىق اسپاپتارعا - 4,3 پايىز، اۆتوموبيلدەرگە - 3,9 پايىز، قۇرىلىس ماتەريالدارىنا 3,6 پايىز قۇرادى.

بەنزين 2,8 پايىز قىمباتتاسا، ديزەل وتىنى 3 پايىز ارزاندادى. باعانىڭ ارتۋى سونداي-اق قۇقىقتىق، جەكە كولىك قۇرالدارىن ساقتاندىرۋ قىزمەتتەرىنە - 10 پايىزدان، دەنساۋلىق قىزمەتتەرىنە - 3,4 پايىز، شاشتارازدار مەن جەكە قىزمەت كورسەتۋ ورىندارى قىزمەتتەرىنە - 2,6 پايىز، مەكتەپكە دەيىنگى بالالار مەكەمەسىنىڭ قىزمەتتەرىنە - 2,2 پايىز، كابەلدىك تەلەۆيزيا قىزمەتتەرىنە 2 پايىز تىركەلدى.

ينتەرنەت جەلىسىنە قوسىلۋ ءۇشىن ابونەنتتىك تولەم 2 پايىز جوعارىلادى. قالا ىشىندە تاكسيمەن جول ءجۇرۋ اقىسى - 5,2 پايىز، تەمىر جولكولىگىندە 3,7 پايىز قىمباتتادى،

ال اۋە كولىگىمەن قاتىناۋ 1,7 پايىز ارزاندادى. تۇرعىن ءۇي-كوممۋنالدىق قىزمەتتەر سالاسىندا تاريفتەر ىستىق سۋعا - 7,7 پايىز، كارىزگە - 6,2 پايىز، سۋىق سۋعا - 5,6 پايىز، ورتالىقتان جىلىتۋعا 3,4 پايىز تومەندەدى، ال قوقىس شىعارۋعا - 9 پايىز، ەلەكتر ەنەرگياسىنا 2,2 پايىز ءوستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات