كوروناۆيرۋسقا بايلانىستى جالعان اقپارات تاراتقان ايەل جاۋاپقا تارتىلدى

تۇركىستان. قازاقپارات - بۇگىن الەۋمەتتىك جەلىدە «سارىاعاش اۋدانىندا تۇستەن كەيىن ۆيرۋس سەبىلەدى ەكەن، بالالاردى دالاعا شىعارماڭىزدار» دەگەن سارىندا جالعان اقپارات تاراتىلعان.

بۇل اقپاراتتىڭ جالعان ءارى شىندىققا جاناسپايتىنىن حابارلايمىز، دەپ مالىمدەدى تۇركىستان وبلىسىنىڭ وڭىرلىك كوممۋنيكاتسيالار قىزمەتىنەن.

«سىزدەردى، ياعني تۇركىستان وبلىسىنىڭ تۇرعىندارىن وسى سەكىلدى ماتىندە جاريالانعان اقپاراتتارعا سەنبەۋگە شاقىرامىز. سونداي-اق، دالەل-دايەكسىز، ەل ءىشىن دۇرلىكتىرەتىن اقپارات تاراتقاندار قر قىلمىستىق كودەكسىنىڭ 274 بابى «كورىنەۋ جالعان اقپارات تاراتۋ» بويىنشا جاۋاپقا تارتىلاتىنىن دا ەسكەرتەمىز»، دەلىنگەن حابارلامادا.

وسى اقپاراتتى «whatsاpp» جەلىسىندەگى توپتاردا تاراتقان وتىرار اۋدانىنىڭ 1973 -جىلى تۋعان ازاماتشاسى قازىرگى تاڭدا قۇزىرلى ورگاندارمەن انىقتالىپ، اكىمشىلىك جاۋاپكەرشىلىككە تارتىلعان.