اتىراۋدا ءدارىحانانى توناپ كەتتى

اتىراۋ. قازاقپارات - اتىراۋدا پوليتسەيلەر ءدارىحانانى توناعان ۇرىنى ۇستادى، دەپ حابارلايدى قازاقپارات.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە قاراعاندا، ءدارىحانانى توناۋ ماۋسىمنىڭ 17 نەن 18 نە قاراعان تۇندە بولعان.

«اتىراۋ قالاسىنداعى ازاتتىق داڭعىلى بويىندا ورنالاسقان ءدارىحانالاردىڭ ءبىرىنىڭ تەرەزەسىن ىعىستىرۋ ارقىلى كىرىپ، ASER نوۋتبۋكتى، ءدارى-دارىمەكتەردى قولدى ەتكەن ازامات انىقتالدى. كۇدىكتى بۇرىن بىرنەشە رەت ۇرلىق قىلمىسىمەن سوتتالعان. قازىر 1984 -جىلعى كۇدىكتى ۇستالىپ، سوتپەن وعان قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسى سانكسيالاندى»، دەپ حابارلادى دەپارتامەنتتىڭ باسپا ءسوز قىزمەتى.

سوتقا دەيىنگى تەرگەپ-تەكسەرۋ ق ر قىلمىستىق كودەكسىنىڭ 188-بابىنىڭ 3-بولىگىمەن (ءۇي- جايعا زاڭسىز كىرۋىمەن جاسالعان ۇرلىق) جۇرگىزىلۋدە.

ەسكە سالا كەتەلىك، بۇدان بۇرىن سۋعا باتقان جىگىتتى امان الىپ قالعان پوليتسەي تۋرالى جازعانبىز.