+7 (701) 759 90 19
17 °С : نۇر-سۇلتان
19 °С : الماتى
USD 405.77 EUR 457.91
RUB 5.77 CNY 57.42
جاڭالىقتار

ەلىمىزدە ۇمىتكەرلەردى شەتەلگە وقۋعا جىبەرۋ تالاپتارى وزگەردى

1 شىلدە 15:55
:ءبولىسۋ
ەلىمىزدە ۇمىتكەرلەردى شەتەلگە وقۋعا جىبەرۋ تالاپتارى وزگەردى

نۇر-سۇلتان. قازاقپارات - حالىقارالىق شارتتار اياسىندا شەتەلدە وقۋ ءۇشىن ۇمىتكەرلەردى ىرىكتەۋدىڭ بارىنشا اشىقتىعى مەن ايقىندىعىن قامتاماسىز ەتۋ ماقساتىندا ق ر ءبىلىم جانە عىلىم ءمينيسترى ا. ايماعامبەتوۆتىڭ تاپسىرماسىنا سايكەس «شەتەلدە، ونىڭ ىشىندە اكادەميالىق ورالىمدىلىق شەڭبەرىندە وقىتۋعا جىبەرۋ قاعيدالارىنا» ءبىرقاتار وزگەرىستەر مەن تولىقتىرۋلار ەنگىزىلدى.

بۇل جونىندە حالىقارالىق باعدارلامالار ورتالىعىنا سىلتەمە جاساپ قازاقپارات حابارلايدى.

اتاپ وتەرلىگى، ەنگىزىلگەن تۇزەتۋلەرگە سايكەس، قاعيدادا شەتەلدە وقيتىن ۇمىتكەرلەردى ىرىكتەۋ كەزىندە تەڭ بالل يەلەنگەندەر ءۇشىن كەلەسى باسىمدىقتار باسشىلىققا الىنادى:

1) جەتىم بالالار مەن اتا-اناسىنىڭ قامقورلىعىنسىز قالعان بالالار؛

2) بالا كەزىنەن مۇگەدەكتەر جانە مۇگەدەك بالالار؛

3) كوپبالالى وتباسىنان شىققان بالالار؛

4) شەتەلدىك جوعارى وقۋ ورىندارىنان شاقىرتۋى بار، سونداي-اق شەتەلدىك جوعارى وقۋ ورىندارىندا وقيتىن ۇمىتكەرلەر. ادامي فاكتورعا بايلانىستى تاۋەكەلدەردى تومەندەتۋ ماقساتىندا قۇجات قابىلداۋ اۆتوماتتاندىرىلدى جانە «ەلەكتروندى ۇكىمەت» ۆەب-پورتالى ارقىلى جۇزەگە اسىرىلادى. وبەكتيۆتى شەشىم قابىلداۋدى قامتاماسىز ەتۋ ءۇشىن ەندى جاڭا قاعيداعا سايكەس ىرىكتەۋ ەكى كەزەڭنەن تۇرادى:

تاۋەلسىز ساراپتاما كوميسسياسىنىڭ مۇشەلەرىمەن سۇحبات جانە قورىتىندى كوميسسيانىڭ شەشىم قابىلداۋى. سۇراقتار بەكىتىلگەن رەگلامەنت بويىنشا قويىلادى. سونىمەن قاتار، كونكۋرس جەڭىمپازدارىمەن وقۋدى اياقتاعاننان كەيىن 3 (ءۇش) جىل مەرزىمگە قازاقستان رەسپۋبليكاسىنىڭ اۋماعىندا ۇزدىكسىز ەڭبەك قىزمەتىن مىندەتتەيتىن وقۋعا شارت جاساسۋ بويىنشا نورما ەنگىزىلدى.

شەتەلدە، سونىڭ ىشىندە اكادەميالىق ورالىمدىلىق شەڭبەرىندە وقىتۋعا جىبەرۋ قاعيدالارىنىڭ تولىق ماتىنىمەن مىنا سىلتەمەدە تانىسۋعا بولادى.

ەسكە سالا كەتەيىك، ءبىز بۇعان دەيىن شەتەلدە وقۋ كونكۋرسىنا قاتىسۋعا نيەت بىلدىرگەن قازاقستاندىقتار قۇجاتتاردى ونلاين تاپسىرا الاتىنىن جازعان ەدىك.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات