نۇر-سۇلتاندا اشىق اسپان استىندا كينو كورسەتىلىمى وتەدى

نۇر-سۇلتان. قازاقپارات - استانا كۇنىندە تۇرعىندار وتاندىق جانە الەمدىك كينەماتوگرافتىڭ ۇزدىك تۋىندىلارىن تاماشالاي الادى، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.

نۇر-سۇلتان تۇرعىندارى مەن قوناقتارى 1-6-شىلدە ارالىعىندا قازاقستاندىق جانە الەمدىك فيلمدەردى اشىق اسپان استىندا تاماشالاي الادى.

كورسەتىلىم «استانا- ارەنا» ستاديونىنىڭ الدىندا (قابانباي باتىر داڭعىلى بويىمەن) وتەدى. ۇيىمداستىرۋشىلار قاۋىپسىزدىك شارالارى تۋرالى دا ەسكەرتەدى. مىندەتتى تۇردە ماسكا تاعىپ، سانيتايزەرلەر قولدانۋ جانە الەۋمەتتىك قاشىقتىقتى ساقتاۋ كەرەك.

Kino Space اياسىندا «قىز جىبەك»، «مەنىڭ اتىم قوجا»، «ءبىزدىڭ اياۋلى دارىگەر»، «الپامىس مەكتەپكە بارادى»، «پۋت ليدەرا» كينوەپوپەياسى، «اقساق قۇلان»، سونداي-اق شەتەلدىك «دجون ۋيك»، «پريكليۋچەنيا پيتەرا پەنا»، «استەريك ي وبەليكس» جانە ت. ب فيلمدەر كورسەتىلەدى.

سەانستىڭ باستالۋ ۋاقىتى - 21:30، كىرۋ تەگىن. كورسەتىلىمدە ەرەكشە قاجەتتىلىكتەرى بار بالالار ءۇشىن ارنايى مۇمكىندىكتەر قاراستىرىلادى.

ايتا كەتۋ كەرەك، «Kino Space « كينوتەاترىنا MEGOGO حالىقارالىق مەديا قىزمەتى مەن ش. ايمانوۆ اتىنداعى «قازاقفيلم» كينوستۋدياسى قولداۋ كورسەتتى. شارا بارلىق ازاماتتارعا شەتەلدىك پروديۋسەرلەردىڭ ليتسەنزيالانعان فيلمدەرىن جانە قازاق كينوسىنىڭ كلاسسيكاسىن اشىق اسپان استىندا تەگىن تاماشالاۋعا مۇمكىندىك بەرەدى.