قازاقستاندا ءبىر ادامعا ساتىلاتىن ءدارى-دارمەكتىڭ سانى شەكتەلەدى

نۇر-سۇلتان. قازاقپارات - دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆا ەلدە ءار ادامعا ءدارى-دارمەك شەكتەۋلى تۇردە ساتىلاتىنىن ءمالىم ەتتى، دەپ حابارلايدى قازاقپارات ءتىلشىسى.

«ءبىز اكىمدىكتەرمەن جانە بولشەكتىك ساۋدا جەلىلەرى قاۋىمداستىقتارىمەن مەموراندۋم جاسادىق. ياعني ءبىر ادامعا پرەپارات 2-3 قاپتاما كۇيىندە، شەكتەۋلى تۇردە ساتىلاتىن بولدى. سەبەبى ەم- دوم كۋرسىنا ءدال سونشا پرەپارات كەرەك. ۇيدە پرەپاراتتار بوسقا جاتىپ قالماۋى كەرەك. سەبەبى ولاردىڭ ءارقايسىسىنىڭ ءوز جارامدىلىق مەرزىمى بار»، - دەدى ليۋدميلا بيۋرابەكوۆا و ك ق- دا وتكەن باسپا ءسوز ءماسليحاتىندا.

سونىمەن بىرگە ول ءبىر ۇيدە بىرنەشە ادام اۋىرىپ جاتسا، ءدارى- دارمەكتى ساتۋ جاعىنان شەكتەۋ بولمايتىنىن جەتكىزدى.

«بۇل - دارىگەردىڭ رەتسەپتى. دارىگەر ەم- دوم الۋ ءۇشىن ءتيىستى كۋرس بويىنشا پاتسيەنتكە ءدارى جازىپ بەرەدى»، - دەدى ول.

ەسكە سالا كەتسەك، ليۋدميلا بيۋرابەكوۆا بۇعان دەيىن قازاقستاندا كوروناۆيرۋس ينفەكسياسىن جۇقتىرعان ادامداردى ەمدەۋ حاتتاماسىنا جاڭا سحەما ەنگىزىلگەنىن ءمالىم ەتكەن ەدى. ونىڭ ايتۋىنشا، قازاقستاندىق دارىگەرلەر اناسىنان كوروناۆيرۋس جۇقتىرىپ تۋعان 21 ءسابيدى ەمدەپ شىعارعان.