+7 (701) 759 90 19
25 °С : نۇر-سۇلتان
27 °С : الماتى
USD 409.98 EUR 462.21
RUB 5.75 CNY 58.43
جاڭالىقتار

نۇر-سۇلتان كوشەلەرىن سۋ الىپ كەتپەس ءۇشىن قانداي جۇمىستار قولعا الىنعان؟

1 شىلدە 12:57
:ءبولىسۋ
نۇر-سۇلتان كوشەلەرىن سۋ الىپ كەتپەس ءۇشىن قانداي جۇمىستار قولعا الىنعان؟

نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ قالا كوشەلەرىنە سۋ جايىلىپ، سەل قاۋپى تۋىنداماس ءۇشىن قانداي شارالار اتقارىلىپ جاتقانىن ءمالىم ەتتى، دەپ حابارلايدى قازاقپارات.

شاھار باسشىسى بۇل جايىندا ءوزىنىڭ Instagram پاراقشاسىندا جازدى.

«كەشكىلىك قالا ارالاۋ كەزىندە ءبىرقاتار نوسەر كارىزدەرى مەن تازارتۋ قۇرىلعىلارىنىڭ قۇرىلىسىن قارادىم. «جاستار» شاعىن اۋدانىنداعى جاڭا قۇرىلىستىڭ قۋاتى تاۋلىگىنە 42 مىڭ تەكشە مەتردەن اسادى. بۇل نوسەرلىك سۋ كاناليزاتسياسىنىڭ وتكىزۋ قابىلەتىن ايتارلىقتاي جاقسارتۋعا مۇمكىندىك بەرەدى. تازارتۋ قۇرىلعىلارى تاشەنوۆ، بارايەۆ، ءۋاليحانوۆ، يمانبايەۆ جانە رەسپۋبليكا داڭعىلدارىن جاڭبىرلى سۋ باسۋدان قاۋىپسىزدەندىرەدى. جۇمىستاردى اياقتاۋ مەرزىمى - 2021-جىل. تاشەنوۆ كوشەسىندەگى ۇزىندىعى 530 مەتردى قۇرايتىن نوسەرلى كوللەكتور جەلىلەرىن تازارتتىق. 34 توننادان استام قوقىس شىعارىلدى. وسى ۋاقىتتا دەيىن جينالىپ قالعان قوقىس كوللەكتور جۇمىسىن قيىنداتتى» دەپ جازادى التاي كولگىنوۆ.

ونىڭ ايتۋىنشا، بيىل كۇزدە ب. مومىش ۇلى داڭعىلىنداعى (داۋىلپاز كوشەسىنەن ەلىم-اي كوشەسىنە دەيىن) پروبلەمالىق ۋچاسكەدە نوسەرلى كارىز ماگيسترالدى كوللەكتورىنىڭ قۇرىلىسى اياقتالادى.

«وسى جىلدىڭ سوڭىنا دەيىن تەلمان ەلدى-مەكەنىندەگى تازارتۋ قۇرىلعىلارى مەن ماگيسترالدى كوللەكتور قۇرىلىسى اياقتالادى. قۋاتى تاۋلىگىنە 36 مىڭ تەكشە مەتردەن اسادى. جوبانى ىسكە اسىرۋ تەلمان ەلدى-مەكەنى مەن 27№ كوشە بويىنداعى قۇرىلىس ايماعىنان جەر ءۇستى اعىندارىن بۇرۋعا مۇمكىندىك بەرەدى. سونىمەن بىرگە جۇمىس ىستەپ تۇرعان كوللەكتورلاردى تازارتۋ بويىنشا جۇمىستار جۇرگىزىلىپ جاتىر. 354 كيلومەتردىڭ 134 كيلومەترى تازارتۋ جۇمىستارىن قاجەت ەتەدى» دەيدى قالا اكىمى.

ايتا كەتەيىك، وتكەن جىلى مىڭجىلدىق اللەياسى اۋماعىندا ەكى ۋچاسكەدەگى نوسەرلىك سۋ كارىزىنىڭ ماسەلەسى شەشىلگەن بولاتىن.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات