انتاليا اۋەجايىندا كوروناۆيرۋستى قالاي تەكسەرەدى؟
بۇعان دەيىن حابارلاعانىمىزداي، 1- شىلدەگە قاراي تۇركيانىڭ بارلىق ءىرى اۋەجايلارىندا كوروناۆيرۋس ينفەكتسياسىنىڭ بار-جوعىن انىقتايتىن تەست ورتالىقتارى اشىلعان، قالعان اۋە ايلاقتارىندا مۇنداي نىساندار 15- شىلدەدەن باستاپ جۇمىس ىستەمەك.
ەلدىڭ مادەنيەت جانە تۋريزم ءمينيسترى مەحمەت نۋري ەرسويدىڭ مالىمەتىنشە، «قاۋىپسىز تۋريزم» سەرتيفيكاتىن الۋعا تۇركيانىڭ 727 قوناق ءۇيى مەن 900 مەيرامحاناسى ءوتىنىش جاساعان.
ەسكە سالا كەتەيىك، 20- ماۋسىمنان باستاپ قازاقستاننان تۇركياعا، قىتايعا، وڭتۇستىك كورەياعا، تايلاندقا، گرۋزيا مەن جاپونياعا ۇشاتىن حالىقارالىق رەيستەر قايتا اشىلعان بولاتىن.
11- ماۋسىمدا تۇركيا يرانمەن قۇرلىقتىق شەكارانى قوسپاعاندا، تۇرىك جانە شەتەل ازاماتتارىنىڭ ەلگە كىرىپ-شىعۋىنا رۇقسات بەردى. 21- ماۋسىم كۇنى تۇركياعا ۇزاق ۋاقىتتاعى كارانتيننەن كەيىن الماتى-انتاليا باعىتىنداعى العاشقى قازاقستاندىق رەيس ۇشقان ەدى. بەلگىلى بولعانداي، ءتورت جولاۋشىدان كوروناۆيرۋس انىقتالدى. قازىر ولار انتاليا قالالىق اۋرۋحاناسىندا جاتىر.