الماتى وبلىستىق سوتىنان كارانتين الىندى
«كورونوۆيرۋس ينفەكتسياسى بويىنشا ەپيدەميولوگيالىق جاعدايدىڭ وزگەرۋىنە بايلانىستى الماتى وبلىستىق سوتىنان كۇشەيتىلگەن رەجيم الىنادى. سوت جۇمىسىن كۇشەيتىلگەن كارانتين شارالارى نەگىزىندە جالعاسادى» دەلىنگەن اتالعان ۆەدومستۆونىڭ باسپا ءسوز قىزمەتى تاراتقان حابارلامادا.
سونداي-اق، سوت وندىرىسىندەگى بارلىق ساناتتاعى ىستەر قايتا جاڭارادى.
«سوت ىسىنە قاتىسى بار تۇلعالارعا سوت وتىرىستارىنىڭ قارالۋ ۋاقىتى مىندەتتى تۇردە الدىن الا حابارلانادى. سوت وتىرىستارى تەك قاشىقتىقتان وتەدىى. بارلىق قۇجاتتار تەك ەلەكتروندى تۇردە قابىلدانادى. ازاماتتار مەن سوتقا كەلۋشىلەردەن ۋاقىتشا قابىلدانعان شارالارعا تۇسىنىستىكپەن قاراۋدى سۇرايمىز»، - دەپ تولىقتىرادى الماتى وبلىستىق سوتىنىڭ باسپا ءسوز قىزمەتى.
ەستەرىڭىزگە سالا كەتەيىك، 10- ماۋسىم كۇنى الماتى وبلىستىق سوتىنىڭ 9 سۋدياسىنان كوروناۆيرۋس انىقتالىپ، سوت عيماراتى كارانتينگە جابىلعانىن حابارلاعان بولاتىنبىز.