رەسەي حالقى كونستيتۋتسياعا تۇزەتۋ ەنگىزۋ ءۇشىن داۋىس بەرىپ جاتىر

ماسكەۋ. تاسس - قازاقپارات - رەسەي كونستيتۋتسياسىنا وزگەرتۋ ەنگىزۋ بويىنشا داۋىس بەرۋ جەتى كۇننەن بەرى ءوتىپ جاتىر.

ول 25- ماۋسىمدا باستالدى. 1- شىلدە - جالپى رەسەيلىك داۋىس بەرۋدىڭ نەگىزگى كۇنى.

ۋچاسكەلەر بارلىق ايماقتاردا جەرگىلىكتى ۋاقىت بويىنشا 08:00 دەن 20:00 گە دەيىن اشىق، دەپ حابارلايدى قازاقپارات تاسس اگەنتتىگنە سىلتەمە جاساپ.

داۋىس ساناۋ جەرگىلىكتى ۋاقىتپەن 20:00 دەن كەيىن جۇرگىزىلەدى. ەگەر سايلاۋشىلاردىڭ جارتىسىنان كوبى تۇزەتۋمەن كەلىسسە، كونستيتۋتسيالىق تۇزەتۋ ناتيجەلەرى رەسمي جاريالانعان كۇنى كۇشىنە ەنەدى.

داۋىس بەرۋگە قاتىسۋ شەگى بەلگىلەنبەگەن. بۇعان دەيىن حابارلانعانداي، ر ف پرەزيدەنتى ۆلاديمير پۋتين كونستيتۋتسياعا ءتيىستى تۇزەتۋلەر قابىلدانسا، جاڭا مەرزىمگە پرەزيدەنتتىككە سايلاۋعا تۇسەتىنىن جوققا شىعارمادى.

بۇل تۋرالى ول «روسسيا-1» تەلەارناسىندا «روسسيا. كرەمل. پۋتين» فيلمىنە بەرگەن سۇحباتىندا ايتتى.