+7 (701) 759 90 19
0 °С : نۇر-سۇلتان
5 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

بەردىبەك ساپاربايەۆ: مەملەكەتتىك باعدارلامالاردىڭ مۇمكىندىگىن بارىنشا پايدالانۋ كەرەك

1 شىلدە 09:12
:ءبولىسۋ
بەردىبەك ساپاربايەۆ: مەملەكەتتىك باعدارلامالاردىڭ مۇمكىندىگىن بارىنشا پايدالانۋ كەرەك

تاراز. قازاقپارات - جامبىل وبلىسىنىڭ اكىمى بەردىبەك ساپاربايەۆتىڭ توراعالىعىمەن وتكەن جيىندا وڭىردەگى كوروناۆيرۋسقا قارسى ءىس-شارالار، مەملەكەتتىك باعدارلامالاردىڭ ورىندالۋ بارىسى قارالدى، دەپ حابارلايدى قازاقپارات ءتىلشىسى.

باس قوسۋدىڭ كۇن تارتىبىندەگى ەكىنشى ماسەلە بويىنشا، وبلىس اۋداندارىندا جاڭا جۇمىس ورىندارىن قۇرۋ ويداعىداي ورىندالىپ جاتقاندىعى ايتىلدى. بۇگىندە بايزاق، قورداي، مويىنقۇم، سارىسۋ، تالاس اۋداندارىندا «جۇمىسپەن قامتۋدىڭ جول كارتاسى» بويىنشا جوسپارلانعان بارلىق جوبالاردى ىسكە اسىرۋ شارالارى باستالىپ ۇلگەرگەن.

دەگەنمەن جامبىل، جۋالى، مەركى، شۋ، ت. رىسقۇلوۆ اۋداندارىندا 10 جوبا بويىنشا ءالى جۇمىستار باستالماعان. ال، تاراز قالاسى ءبىر اي بۇرىنعى كورسەتكىشتەگىدەي ءالى دە كوش سوڭىندا. مۇندا جوسپارلانعان 389 جوبانىڭ 136 سى قولعا الىنباعان.

ايتا كەتۋ كەرەك، «جۇمىسپەن قامتۋدىڭ جول كارتاسى» اياسىندا وبلىس بويىنشا 19 مىڭنان استام جاڭا جۇمىس ورنىن اشۋ كوزدەلگەن.

- «جۇمىسپەن قامتۋدىڭ جول كارتاسى» الەۋمەتتىك نىسانداردى جوندەۋ جانە سالۋ، ينجەنەرلىك جانە كولىك ينفراقۇرىلىمى، تۇرعىن ءۇي-كوممۋنالدىق شارۋاشىلىق جانە ەلدى مەكەندەردى اباتتاندىرۋ بويىنشا 800 دەن استام ينفراقۇرىلىمدىق جوبالاردى قامتيدى. مەملەكەتتىك باعدارلاما ينفراقۇرىلىمدى جاقسارتۋعا جانە حالىقتى جۇمىسپەن قامتۋعا مۇمكىندىك بەرۋدە. بۇل مۇمكىندىكتەردى بارىنشا پايدالانۋ كەرەك. اۋدان جانە تاراز قالاسىنىڭ اكىمدەرى تۇراقتى جۇمىس ورىندارىن قۇرۋ جانە جۇمىسپەن قامتۋ جونىندەگى مەملەكەتتىك باعدارلامالاردىڭ ورىندالۋىن ءاردايىم باقىلاۋدا ۇستاۋى ءتيىس، - دەدى بەردىبەك ساپاربايەۆ.

جيىندا وبلىس اكىمى جەرگىلىكتى اتقارۋشى ورگانداردىڭ ازىق-تۇلىك باعاسىن تۇراقتاندىرۋ جونىندەگى جۇمىستارىنا كوڭىلى تولمايتىندىعىن جەتكىزدى. بارلىق اۋدانداردا جانە تارازدا نان، جۇمىرتقا، پاستەرلەنگەن ءسۇت، قاراقۇمىق جانە كارتوپ قۇنى قىمباتتاعان دەسەك، جامبىل اۋدانىندا ازىق-تۇلىك تاۋارلارىنىڭ 19 ءتۇرىنىڭ 10 ى بويىنشا باعالاردىڭ وسىمىنە جول بەرىلگەن.

- جامبىل وبلىسى اگرارلى ايماق بولىپ قالا بەرمەك. اۋىل شارۋاشىلىعىنىڭ دامۋى ەكونوميكا ءۇشىن ماڭىزدى. بىزدە ءوزىمىزدى ءوز ازىق-تۇلىگىمىزبەن قامتاماسىز ەتۋ ءۇشىن بارلىق جاعدايلار مەن مۇمكىندىكتەر جەتكىلىكتى. تەك اۋدانداردا بۇل جۇمىس ءتيىستى دەڭگەيدە ۇيىمداستىرىلماعان. كورشىلەس ايماقتارمەن ازىق- تۇلىك قاۋىپسىزدىگى سالاسىندا ىنتىماقتاستىق جولعا قويىلماعان، - دەدى وبلىس باسشىسى.

سونداي-اق، سەلەكتورلىق كەڭەستە ەكونوميكا جانە بيۋجەتتىك جوسپارلاۋ باسقارماسىنىڭ باسشىسى گۇلدانا جاۋىنبەكوۆانىڭ اعىمداعى جىلدىڭ قاڭتار - ماۋسىم ايلارىنداعى وبلىستىڭ الەۋمەتتىك-ەكونوميكالىق دامۋىنىڭ بولجامدى كورسەتكىشتەرى تۋرالى جانە قارجى باسقارماسىنىڭ باسشىسى روزا يسايەۆانىڭ بيۋجەتتىك قاراجاتتىڭ يگەرىلۋ تۋرالى باياندامالارى تىڭدالدى.

جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى جورابەك باۋبەكوۆ «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىك باعدارلاماسىنىڭ ىسكە اسىرىلۋ بارىسى جايلى قىسقاشا توقتالىپ ءوتتى. جيىن سوڭىندا بەردىبەك ساپاربايەۆ جاۋاپتى ۆەدومستۆولاردىڭ الدىندا ەكونوميكانىڭ بارلىق سالالارىندا ءوسىمدى قامتاماسىز ەتۋ مىندەتى تۇرعانىن باسا ايتتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات