+7 (701) 759 90 19
-1 °С : نۇر-سۇلتان
5 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

قازاقستان ەلشىسى جاڭا زەلانديانىڭ گەنەرال-گۋبەرناتورىنا سەنىم گراموتالارىن تاپسىردى

1 شىلدە 08:40
:ءبولىسۋ
قازاقستان ەلشىسى جاڭا زەلانديانىڭ گەنەرال-گۋبەرناتورىنا سەنىم گراموتالارىن تاپسىردى

ۆەللينگتون. قازاقپارات - قازاقستان رەسپۋبليكاسىنىڭ سينگاپۋر، جاڭا زەلانديادا جانە اۋستراليا وداعىنداعى ەلشىسى اركەن ارىستانوۆ جاڭا زەلانديانىڭ گەنەرال-گۋبەرناتورى پەتسي رەدديگە سەنىم گراموتالارىن تاپسىردى، دەپ حابارلايدى قازاقپارات.

«ءراسىم ونلاين فورماتىندا ەكى ەل تاريحىندا العاشقى رەت وتكىزىلدى. سۇحبات بارىسىندا قازاقستان ەلشىسى پەتسي رەددي مەن جاڭا زەلانديانىڭ حالقىنا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ اتىنان ىزگى تىلەكتەرىن جەتكىزدى. ا. ارىستانوۆ بيىل قازاقستان مەن جاڭا زەلانديانىڭ ديپلوماتيالىق قارىم-قاتىناستارىنا 28 جىل تولعانىن»، - اتاپ ءوتتى.

ەكى ەل اراسىنداعى قارىم-قاتىناستار ورتاق مۇددەلەرگە نەگىزدەلگەن جانە ونى ودان ءارى كەڭەيتۋ ءۇشىن ايتارلىقتاي الەۋەتتى كورسەتىپ وتىر. قازاقستان ساۋدا-ەكونوميكالىق ىنتىماقتاستىقتى، سونداي-اق ادامدار اراسىنداعى بايلانىستاردى جانداندىرۋعا تىرىسۋدا. مەملەكەتتىك سەكتوردى رەفورمالاۋ، ءتيىمدى ەكونوميكالىق باسقارۋ جانە جاڭا زەلاندياداعى ادامي كاپيتالىن دامىتۋ قازاقستان ۇكىمەتى ءۇشىن ەرەكشە قىزىعۋشىلىق تۋدىرادى. كليماتتى قورعاۋ، جاڭارتىلاتىن ەنەرگيا، اۋىل شارۋاشىلىعى جانە تەحنولوگيالار ترانسفەرتى سياقتى سالالارداعى ودان ءارى ىنتىماقتاستىقتىڭ دا الەۋەتى زور»، - دەلىنگەن ق ر سىرتقى ىستەر مينيسترلىگىنىڭ اقپاراتىندا.

ءوز كەزەگىندە پەتسي رەددي قازاقستاندى اۋقىمدى ساياسي جانە ەكونوميكالىق جەتىستىكتەرىمەن قۇتتىقتاپ، ەكى ەل اراسىنداعى قاتىناستاردىڭ دوستىق جانە سىندارلى سيپاتىن اتاپ ءوتتى.

گەنەرال-گۋبەرناتور ءوز سوزىندە ساۋدا-ەكونوميكالىق جانە ينۆەستيتسيالىق سەرىكتەستىكتى كەڭەيتۋگە، سونداي-اق كوپجاقتى ىنتىماقتاستىقتى تەرەڭدەتۋگە ءوزارا قىزىعۋشىلىقتى باسا ايتقان.

سونداي-اق پ. رەددي پاندەميانىڭ جاقىن ارادا اياقتالۋىنا ءۇمىت ءبىلدىرىپ، قازاقستان ەلشىسىن 2021-جىلعى 6- اقپاندا وتكىزىلەتىن ەلدىڭ ۇلتتىق كۇنىن اتاپ ءوتۋ ءۇشىن جاڭا زەلاندياعا شاقىردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات