گولوۆكين- «كانەلو» جەكپە-جەكتەرى ۇزدىك ايقاستار رەيتينگىنە ەندى

نۇر-سۇلتان. قازاقپارات - Gambling.com سايتى گەننادي گولوۆكين مەن ساۋل «كانەلو» الۆارەستىڭ ايقاستارىن سپورت تاريحىنداعى 101 ۇزدىك جەكپە-جەكتىڭ قاتارىنا قوستى، دەپ حابارلايدى قازاقپارات Sports.kz سايتىنا سىلتەمە جاساپ.

قازاقستان مەن مەكسيكا بوكسشىلارىنىڭ باسەكەلەستىگى رەيتينگتىڭ 91- ورنىنا ورنالاستىرىلعان.

«ورتا سالماق ۇزدىكتەرى گولوۆكين مەن الۆارەستىڭ تارتىسى ۇزاق ۋاقىت جارنامالانىپ، 2017-جىلدىڭ قىركۇيەگىندە باستالدى. سول كەزدە ءالى جەڭىلىپ كورمەگەن GGG- ءدىڭ رەكوردى ەرەك ەدى - 37-0-0، ونىڭ 33 ءى نوكاۋتپەن اياقتالعان.

ال «كانەلو» فلويد مەيۆەزەردەن جەڭىلگەنىنە قاراماستان، سول كەزدە سپورتتا ەندى جۇلدىزى جانا باستاعان ەدى. تەكەتىرەسكە العاشقى جەكپە-جەك سەبەپ بولدى. گولوۆكين مەكسيكالىق قارسىلاسىنان 12 راۋندتىڭ 10 ىندا باسىم تۇسكەنىمەن، تورەشىلەردىڭ شەشىمىمەن ايقاس تەڭ اياقتالدى. ءبىر جىلدان كەيىن ماتچ-ريەۆانش بولىپ، گولوۆكين ءبىرىنشى رەت جەڭىلدى. ال «كانەلو» مىقتىلىعىن دالەلدەپ كەلەدى»، - دەلىنگەن اقپاراتتا.