قازاقستاندا جاڭا تەلەمەديتسينالىق جوبا ىسكە قوسىلدى
باستاما الدىمەن پيلوتتىق رەجيمدە سىناقتان وتكىزىلەدى. ول تەك نۇر- سۇلتان، الماتى، شىمكەنت تۇرعىندارىنا قولجەتىمدى بولادى. بۇل جونىندە قۇزىرلى مينيسترلىك پەن جاۋاپتى كومپانيا وكىلدەرىنىڭ ونلاين باسپا ءسوز ءماسليحاتىندا بەلگىلى بولدى. ياعني، جاڭا جوبا اياسىندا مەديتسينالىق كومەكتى ۇيدەن شىقپاي الۋعا مۇمكىندىك بار.
ول ءۇشىن iDoctor.kz پورتالى ارقىلى دارىگەرلەرمەن تىكەلەي بايلانىس ورناتىلادى. ونلاين قابىلداۋلار تەگىن جانە اقىلى نەگىزدە جۇرەدى. دەنساۋلىق ساقتاۋ ءمينيسترىنىڭ ورىنباسارى ولجاس ابىشيەۆتىڭ ايتۋىنشا، بۇل وقشاۋلاۋدا وتىرعان دارىگەرلەرگە قوسىمشا تابىس تابۋعا مۇمكىندىك بەرەدى. «ال، قىزمەت ساپاسى ءجىتى باقىلاۋدا بولادى»، - دەدى ول.
ولجاس ابىشيەۆ، ق ر دەنساۋلىق ساقتاۋ ءمينيسترىنىڭ ورىنباسارى:
- دارىگەرلەر مەن ناۋقاستار اراسىنداعى اڭگىمە جازىلادى. ءبىز بۇنى ادامداردىڭ جەكە باسىنا قاتىستى اقپاراتتى جيناۋ ءۇشىن ەمەس، قىزمەت ساپاسىن باقىلاۋ ءۇشىن قولعا الدىق. ويتكەنى جالعان كەڭەستەر بەرىلىپ، الاياقتىق تا جاسالۋى مۇمكىن. مىنە، سونىڭ الدىن العىمىز كەلەدى. جوبا قاۋىپسىزدىككە قاتىستى تەكسەرىستەردەن ءوتتى جانە قازىر سەرتيفيكاتتاۋعا دايىندالىپ جاتىرمىز.
www.24.kz