يسپانيادا مەديتسينا قىزمەتكەرلەرى شەرۋگە شىقتى
مادريدتەگى ورتالىق الاڭدارىنىڭ بىرىندە وتكەن بۇل شاراعا 1000-نان اسا ادام قاتىستى. ولار ءوز ەڭبەگىنىڭ قاۋىپسىزدىگىن قامتاماسىز ەتىپ، قورعانىش قۇرالدارمەن جابدىقتاۋدى تالاپ ەتتى. شەرۋشىلەر شارا وتكىزۋ كەزىندە ىندەتتەن قورعانۋ شارالارىن ساقتاپ، بەتپەردە تاققان.
جالپى يسپانيا COVID-19 پاندەمياسىنىڭ اۋىر زاردابىن تارتقان ەلدەردىڭ ءبىرى. ەلدە 52 مىڭنان اسا مەديتسينا قىزمەتكەرى كوروناۆيرۋس جۇقتىرىپ العانى بەلگىلى.
ليۋسيا ۆيليارەحو، جانساقتاۋ ءبولىمىنىڭ مەدبيكەسى:
- ءبىز قاھارمان ەمەسپىز، قاراپايىم ادامبىز. ءوزىمىز قورىقساق تا، بۇل جۇمىسىمىز بولعاندىقتان باردىق. باسقالاردىڭ قامىن ويلاپ، تۋىستارىمىزدى ۇيدە قالدىرۋعا تۋرا كەلدى. كوپتەگەن ارىپتەسىمىز اۋىرىپ قالدى. بىزگە قورعانىش قۇرالدارى ۇنەمى جەتىسپەي ءجۇردى. سوندىقتان قاۋىپسىزدىگىمىزدى قامتاماسىز ەتۋدى تالاپ ەتەمىز.