بۇگىن «اباي» تەلەارناسى رەسمي تۇردە تانىستىرىلدى

نۇر- سۇلتان. قازاقپارات - بۇگىن «Abai TV» مادەني- اعارتۋ تەلەارناسى رەسمي تۇردە تانىستىرىلدى، دەپ حابارلايدى حابار 24.

جاڭا ارنا مەملەكەت باسشىسىنىڭ تاپسىرماسىمەن حاكىم ابايدىڭ 175 جىلدىعىنا وراي ىسكە قوسىلدى. ەفيردە ۇلتتىق جانە الەمدىك ونەر مەن مادەنيەت، ءتۇرلى ۇلتتاردىڭ ادەبي جانە تاريحي مۇراسىن ناسيحاتتايتىن تانىمدىق باعدارلامالار كورسەتىلەدى.

ماسەلەن، «اباي جولىن بىرگە وقيىق»، «سارا ءسوز»، «ۇركەر»، «جىر مايدانى»، «مۋزىكا ۆەليكوي ستەپي» سىندى جوبالار كورەرمەنگە جول تارتپاق. سونداي- اق سپەكتاكلدەر مەن بالەت قويىلىمدارىنا ارنالعان «پرەمەرى» باعدارلاماسىن تاماشالاۋعا بولادى.

تەلەارنا قازاق جانە ورىس تىلدەرىندە تاۋلىگىنە 17 ساعات بويى حابار تاراتادى. ول ەفيرگە «Otau TV» ۇلتتىق سپۋتنيكتىك وپەراتورى، «Alma TV», «ID TV» كابەلدىك جەلىلەرى ارقىلى شىعادى. ال تەلەارنانىڭ ونلاين نۇسقاسىن аbaitv.kz رەسمي سايتىندا كورۋگە مۇمكىندىك بار.

www.24.kz