الماتى ماڭىندا «التىن وردا» بازارى ورتەندى

تالدىقورعان. قازاقپارات - الماتى قالاسىنىڭ ىرگەسىندە ورنالاسقان «التىن وردا» بازارىنان ءورت شىقتى، دەپ حابارلايدى قازاقپارات ءتىلشىسى.

«30 - ماۋسىم كۇنى ساعات 16:23-تە قاراساي اۋدانى، الماتى- تاشكەنت اۆتوجولىنىڭ 15-شاقىرىمىندا ورنالاسقان «التىن وردا» بازارىندا اسحانا ورتەنىپ جاتقاندىعى جونىندە حابارلاما ءتۇستى. قىزىل جالىننىڭ تارالۋى ساعات 17:00-دە توقتاتىلىپ، 17:33-تە تولىعىمەن ءسوندىرىلدى. الدىن الا بولجام بويىنشا، ءتىلسىز جاۋ 240 شارشى مەتر جەردى (اسحانانىڭ اۋماعى جانە مەتالدىپلاستيكتەن جاسالعان ساۋدا پاۆيلوندارى) شارپىعان. ءورتتىڭ شىعۋ سەبەبى انىقتالۋدا»، - دەلىنگەن الماتى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان اقپاراتتا.

جالىنمەن كۇرەسكە الماتى قالاسى مەن الماتى وبلىسىنىڭ 20 ءورت ءسوندىرۋشىسى جانە 4 تەحنيكاسى جۇمىلدىرىلعان.

اۆتور: سامال قابىشيەۆا