+7 (701) 759 90 19
17 °С : نۇر-سۇلتان
18 °С : الماتى
USD 405.77 EUR 457.91
RUB 5.77 CNY 57.42
جاڭالىقتار

فوتورەپورتاج: الماتىلىقتار پ ت ر-تەست تاپسىرۋعا جانە ءدارىحاناعا ۇزىن-سونار كەزەكتە تۇر

30 ماۋسىم 17:58
:ءبولىسۋ
فوتورەپورتاج: الماتىلىقتار پ ت ر-تەست تاپسىرۋعا جانە ءدارىحاناعا ۇزىن-سونار كەزەكتە تۇر

الماتى. قازاقپارات - بىرنەشە كۇننەن بەرى الماتىدا كوروناۆيرۋسقا تەست جاساۋ پۋنكتەرى مەن ءدارىحانالاردا ۇزىن-سونار كەزەك پايدا بولدى.

تۇرعىندار ۆيرۋسقا قارسى پرەپاراتتاردىڭ جوقتىعىن ايتىپ شاعىمدانۋدا.

وسى ورايدا، «قازاقپارات» ح ا ا تىلشىلەرى قالاداعى جاعدايدى باقىلاپ قايتتى.

جانداربەك بەكشين الماتىدا كارانتيننىڭ كۇشەيتىلۋىن ءتۇسىندىردى تۇرعىندار ىزدەگەن دارىلەرىن الۋ ءۇشىن الماتىنىڭ باسقا اۋدانىنان ورتالىق ءدارىحاناعا بەت العان. ۇزىن- سونار كەزەك ءدال وسى جەردە پايدا بولدى.

«مۇنداي كەزەك كەڭەستىك ۋاقىتتى ەسكە تۇرەدى. سول كەزدە ادامدار نان نەمەسە شۇجىق الۋ ءۇشىن وسىلاي جينالاتىن»، - دەپ ەسكە الدى ەكى ساعات بويى كەزەكتە تۇرعان الماتىلىقتار. ءدارىحانا عيماراتىنىڭ كىرەبەرىسىندە بىرنەشە كۇزەتشى تۇر.

ولار كەلۋشىلەردە ماسكانىڭ بولۋى مەن اراقاشىقتىقتىڭ ساقتالۋىن عانا قاداعالاپ تۇرعان جوق. سونىمەن قاتار، قاي ءدارى-دارمەك بار، قايسىسى جوق ەكەنىن ايتۋدا. دەسەكتە، كەزەكتە تۇرعاندار الەۋمەتتىك اراقاشىقتىقتى تولىقتاي ساقتاپ تۇر دەۋگە كەلمەيدى.


«قاعاز بەن قالامساپ بار، قانداي ءدارى-دارمەك كەرەك ەكەنىن سوندا جازىپ كۇزەتشى جىگىتتەرگە بەرەمىز. ولار ار جاعىنان ءبىلىپ بەرەدى. بۇل دۇرىس ويلاپ تابىلعان نارسە ەكەن. وزىڭە قاجەتتى ءدارى بولسا عانا كەزەككە تۇراسىڭ»، - دەيدى قالا تۇرعىنى.

تىلشىلەردى ءدارىحاناعا كىرگىزبەدى. اكىمشىلىك بارلىق ءدارى-دارمەكتىڭ جەتكىلىكتى ەكەنىن جانە قىزمەتكەرلەر كۇشەيتىلگەن رەجيمدە قىزمەت كورسەتىپ جاتقانىن ايتىپ، قىسقا قايىردى. ەكىنشى ءدارىحاناداعىلار قىزۋ تۇسىرەتىن پرەپارات - پاراتسەتامولدىڭ تاۋسىلعانىنا بەس كۇن بولعانىن تىلگە تيەك ەتتى. پ ت ر- تەستىلەۋدىڭ موبيلدى ورتالىقتارىندا دا ۇزىن-سونار كەزەك. قالادا بۇگىن ونداي 2 ورتالىق بار: جاياۋ جۇرگىنشىلەر ءۇشىن «نۇرلى تاۋ» بيزنەس ورتالىعىنىڭ اۋماعىندا، اۆتوكولىك جۇرگىزۋشىلەرى ءۇشىن «Halyk Arena» اۋماعىندا ورنالاسقان.

قازىر «وليمپ» كلينيكالارىندا پ ت ر- تەست جۇرگىزۋ ۋاقىتشا توقتاتىلدى.

«مەنىڭ كەزەكتە تۇرعانىما ەكى ساعات بولدى. جۇمىستان جىبەردى. ەشتەڭە تولتىرعانىم جوق. بارلىعىن وسى جەردەن جازادى»، - دەدى جۇرگىزۋشىلەردىڭ ءبىرى.


«ءبىزدىڭ تۇرعانىمىزعا 1,5 ساعات بولدى. كەشە انام تۇركيادان ۇشىپ كەلگەن سول ءۇشىن پ ت ر- تەست تاپسىرايىق دەپ تۇرمىز. الدىن الا جازىلايىق دەسەك، سايتتارى جۇمىس ىستەمەيدى. ەشكىم جاۋاپ بەرمەيدى. ءقازىر زەرتحانالاردىڭ ەشقايسىسى قابىلداپ جاتقان جوق. سوندىقتان وسىندا كەلدىك»، - دەدى تاعى ءبىر الماتىلىق.

ءوز كەزەگىندە، Clinic MPK كلينيكاسى قىزمەتكەرلەرى ەندى انكەتانى الدىن الا تولتىرۋدىڭ قاجەتى جوق ەكەنىن ايتتى. باعاسى سول قالپىندا 15500 تەڭگە. بۇعان دەيىن، كورەيالىق زەرتحانا رەاگەنتتەردىڭ قازاقستانعا نەلىكتەن جەتكىزىلمەي جاتقانىن تۇسىندىرلگەن بولاتىن. سونداي-اق، «ۇلتتىق ساراپتاما ورتالىعى» ا ق كوروناۆيرۋسقا اقىلى تۇردە پ ت ر- تەست جاساۋ قىزمەتىن توقتاتقانى تۋرالى ايتتى. سونىمەن قاتار، ماماندار تۇرعىنداردى ۆيرۋسقا قارسى پرەپاراتتاردى كوپ مولشەردە ساتىپ الماۋعا شاقىردى.


اۆتور: الما مۇقانوۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات