16:40, 30 - ماۋسىم 2020 | GMT +6
كوروناۆيرۋس: رەسەي قازاقستانعا ۆيرۋسولوگ ماماندارىن جىبەرەدى
نۇر-سۇلتان. قازاقپارات - قازاقستان رەسپۋبليكاسىنىڭ پرەمەر-ءمينيسترى اسقار مامين رەسەي فەدەراتسياسى ۇكىمەتىنىڭ ءتوراعاسى ميحايل ميشۋستينمەن تەلەفون ارقىلى سويلەستى، دەپ حابارلايدى قازاقپارات primeminister.kz سايتىنا سىلتەمە جاساپ.
تاراپتار ساۋدا- ەكونوميكالىق جانە كولىك سالالارىنداعى ەكىجاقتى ىنتىماقتاستىقتىڭ، سونداي-اق ە ا ە و اياسىنداعى ونەركاسىپتىك كووپەراتسيا مەن ءوزارا ءىس-قيمىلدىڭ وزەكتى ماسەلەلەرىن تالقىلادى.
« CОVID-19دىڭ تارالۋىنا قارسى كۇرەستەگى بىرلەسكەن شارالارعا ەرەكشە كوڭىل ءبولىندى. رەسەي تاراپى قازاقستانعا ءدارى- دارمەك جانە شىعىس ماتەريالدارىمەن بىرگە تەست جۇيەلەرى تۇرىندە گۋمانيتارلىق كومەك كورسەتۋگە، سونىمەن قاتار جۇقپالى اۋرۋلار گوسپيتالدارى مەن ۆيرۋسولوگيالىق زەرتحانالاردى اشۋ بويىنشا مامانداردى ق ر-عا جىبەرۋگە دايىن ەكەنىن ءبىلدىردى»، - دەلىنگەن اقپاراتتا.