قازاقستاندا اباي قۇنانباي ۇلى ەسىمى قانشا ادامعا بەرىلگەن؟

نۇر -سۇلتان. قازاقپارات - قازاقستاندا قازىرگى تاڭدا اتى-ءجونى اباي قۇنانباي ۇلى دەپ جازىلاتىن 31 ادام تۇرادى، ونىڭ ىشىندە اتى مەن تەگى 3 ادام، ال اكەسىنىڭ اتى اباي قۇنانباي ۇلى دەپ كورسەتىلگەن 28 ادام بار.

بۇل تۋرالى ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتىندە ايتىلادى.

ۆەدومستۆو مالىمەتىنشە، ەڭ كوبى تۇركىستان وبلىسىندا - 10 ادام، ال شىعىس قازاقستان، الماتى وبلىستارىندا - 3 ادامنان تۇرادى.

سونداي-اق، قازاقستاندا ۇلى اقىننىڭ 17674 اتتاسى بار ەكەن، ونىڭ كوبى -2100 ادام - تۇركىستان وبلىسىندا، الماتى وبلىسىندا - 2062، ال نۇر-سۇلتان قالاسىندا - 1610 اباي ەسىمدى قازاقستاندىقتار تۇرادى.