قىتايدا جاسالعان كوروناۆيرۋسقا قارسى ۆاكسينا اسكەري پرەپارات دەپ تانىلدى
ول بۇدان بىلاي «ارنايى اسكەري پرەپارات» رەتىندە قىتاي اسكەرىندە قولدانىلاتىن بولدى، دەپ حابارلايدى قازاقپارات جەرگىلىكتى Global Times اگەنتتىگىنە سىلتەمە جاساپ.
ق ح ر ورتالىق اسكەري كەڭەسى ماتەريالدىق- تەحنيكالىق قامتاماسىز ەتۋدىڭ بىرىككەن كۇشتەرىنە قاراستى گيگيەنا جانە دەنساۋلىق ساقتاۋ ماسەلەلەرى باسقارماسى رەكومبيناتتى ەكپەنى ءبىر جىلعا پايدالانۋعا رۇقسات بەردى.
«بۇل ۆاكسينا اسكەردە عانا قولدانىلادى، ال كوپشىلىك قاۋىمنىڭ پايدالانۋى ءۇشىن ق ح ر ورتالىق اسكەري كەڭەسى ءتيىستى دەپارتامەنتىنىڭ رۇقساتىن الۋ كەرەك» دەپ جازادى Global Times.
ب ا ق وكىلدەرىنىڭ حابارلاۋىنشا، جالپى كلينيكالىق ناتيجە Ad5-nCoV ۆاكسيناسىنىڭ SARS- CoV-2 ۆيرۋسىنان تۋىندايتىن اۋرۋلاردىڭ الدىن الۋعا شاماسى جەتەتىنىن كورسەتىپ وتىر. Ad5-nCoV ەكپەسىنىڭ كلينيكالىق تەستىدەن وتكىزۋدىڭ ءبىرىنشى جانە ەكىنشى ساتىسى قىتايدا وتكەن.
تەست ناتيجەسى قاۋىپسىزدىكتىڭ جاقسى دەڭگەيىن جانە گۋمورالدى جانە جاسۋشالىق يممۋندىق جاۋاپتىڭ جوعارى دەڭگەيىن كورسەتكەن.
ايتا كەتەيىك، كوروناۆيرۋسقا قارسى Ad5-nCoV ەكپەسىن قىتايلىق CanSino Biologics كومپانياسى مەن قىتاي حالىق-ازاتتىق اسكەرىنىڭ اسكەري-مەديتسينالىق عىلىمدار اكادەمياسى بىرگە جاساپ شىعاردى.
اۆتور: رۋسلان سۇلەيمەنوۆ