+7 (701) 759 90 19
17 °С : نۇر-سۇلتان
19 °С : الماتى
USD 405.77 EUR 457.91
RUB 5.77 CNY 57.42
جاڭالىقتار

د د س ۇ-ى عالامدىق اۋقىمدا كوروناۆيرۋستىڭ قازىرگى تارالۋ قارقىنى تۋرالى ايتتى

30 ماۋسىم 14:40
:ءبولىسۋ
د د س ۇ-ى عالامدىق اۋقىمدا كوروناۆيرۋستىڭ قازىرگى تارالۋ قارقىنى تۋرالى ايتتى

جەنەۆا. قازاقپارات - الەمنىڭ بۇعان دەيىن بەلگىسىز بولعان COVID-19 كوروناۆيرۋسىمەن كۇرەسىپ كەلە جاتقانىنا جارتى جىل بولدى.

قولدانىلىپ جاتقان شارالارعا قاراماستان، پاندەميا توقتاماي، تەز تارالىپ، جۇزدەگەن مىڭ ادامدى ءولتىرىپ جاتىر. بۇل تۋرالى جەنەۆا قالاسىندا وتكەن باسپا ءسوز كونفەرەنسياسىندا د د س ۇ باس ديرەكتورى تەدروس گەبرەيەسۋس ەسكەرتتى، دەپ حابارلايدى قازاقپارات ب ۇ ۇ جاڭالىقتارىنا سىلتەمە جاساپ.

«التى اي بۇرىن ەشقايسىمىز بەلگىسىز ۆيرۋستىڭ بۇكىل الەمدى، ءومىرىمىزدى شىر اينالدىراتىنىن ەلەستەتىپ تە كورمەگەن ەدىك»، - دەيدى د- ر تەدروس.

ول تۋرا جارتى جىل بۇرىن، ياعني 2019 -جىلدىڭ 31-جەلتوقسانىندا دۇنيەجۇزىلىك دەنساۋلىق ساقتاۋ ۇيىمى قىتايدا پنەۆمونيا وقيعالارى تۋرالى ءبىرىنشى حابارلاما العانىن ەسكە سالدى. وسى ۋاقىت ىشىندە COVID-19 اتاۋىن العان بۇرىن بەلگىسىز ۆيرۋستى 10 ميلليوننان استام ادام جۇقتىرىپ، 500 مىڭنان استام ادام قايتىس بولعان. د د س ۇ باسشىسىنىڭ ايتۋىنشا، پاندەميا ادامداردىڭ ەڭ جاقسى جانە ەڭ ناشار قاسيەتتەرىن انىقتاعان.

«ءبىر جاعىنان، بۇكىل الەم بويىنشا ادامداردىڭ تاباندىلىعىن، جاسامپازدىعىن، مەيىرىمى مەن تىلەكتەستىگىن كورىپ وتىرمىز. الايدا، سونىمەن قاتار ستيگماتيزاتسيا، تەرىس حابار تاراتۋ جانە پاندەميانى ساياسيلاندىرۋعا كۋا بولىپ جاتىرمىز»، - دەپ اتاپ ءوتتى تەدروس.

ول د د س ۇ- نىڭ مەديتسينالىق قىزمەتكەرلەردى وقىتۋ، ميلليونداعان قورعانىس جانە دياگنوستيكالىق قۇرالداردى مۇقتاج ەلدەرگە جىبەرۋدەن باستاپ، COVID-19 ۆيرۋسىنا قارسى ءدارى- دارمەكتەر مەن ۆاكسينالاردى جاساۋ جانە سىناۋ، پاندەمياعا قارسى كۇش جۇمىلدىرۋ سياقتى اتقارعان ۇلكەن جۇمىسى تۋرالى ەسكە سالدى. بۇدان بولەك، د د س ۇ ەۋروپالىق كوميسسيا جانە وزگە سەرىكتەستەرىمەن بىرگە ۆاكسينا پايدا بولعان سوڭ، بارلىق ادامداردى ونىمەن قامتاماسىز ەتۋ ماقساتىن ۇستانعان جوبانى ىسكە قسوتى. الايدا، د- ر تەدروستىڭ اتاپ وتۋىنشە، ۆاكسينانىڭ COVID-19 ۆيرۋسىن ۇزاقمەرزىمدى باقىلاۋ قۇرالى رەتىندە ماڭىزدىلىعىنا قاراماستان، د د س ۇ- نىڭ بەس كەڭەسىن ورىنداي وتىرىپ، ادامداردى قازىردەن باستاپ قورعاپ قالۋ كەرەك.

«ءار ادام دارمەنسىز ەمەس ەكەنىن سەزىنۋى ءتيىس: بارلىعىمىز ءوزىمىزدى دە، اينالامىزداعىلاردى دا قورعاپ قالاتىن شارالار قابىلداي الامىز. ءسىزدىڭ دەنساۋلىعىڭىز - ءوز قولىڭىزدا!»، - دەپ اتاپ ءوتتى د-ر تەدروس.

ول قاشىقتىق ساقتاپ، قولدى جۋىپ وتىرۋ، ماسكا تاعۋ، جوتەلگەن جانە تۇشكىرگەن كەزدە اۋىزدى جاۋىپ وتىرۋ، ءوزىن ناشار سەزىنگەن كەزدە ۇيدەن شىقپاۋ جانە وزگەلەرمەن سەنىمدى اقپارات كوزدەرىنىڭ اقپاراتىمەن ءبولىسۋ كەرەك ەكەنىن ءتۇسىندىردى.

«ءسىز قاۋىپتى توپ ساناتىنا جاتپاۋىڭىز مۇمكىن، الايدا ءسىزدىڭ ارەكەتىڭىز بىرەۋدىڭ ومىرىنە ىقپال ەتە الادى»، - دەپ اتاپ ءوتتى د د س ۇ باسشىسى. ۇيىمنىڭ باس ديرەكتورى جۇقتىرۋ تىزبەگىن بارلىق ەلدەر، ءتىپتى COVID-19 راستالعان وقيعالارى بولماعان ەلدەر دە ۇزە الاتىنىن اتاپ ءوتتى.

ول ءۇشىن بارلىق مەديتسينالىق قىزمەتكەرلەر ىندەتكە شالدىققان ادامدارمەن جۇمىس ىستەۋگە ۇيرەتىلىپ، جەكە قورعانىس قۇرالدارىمەن قامتاماسىز ەتىلۋى قاجەت. اۋرۋ جۇقتىرۋ وقيعالارىن قاداعالاۋ جۇيەسىن جەتىلدىرۋ وتە ماڭىزدى، ول ءۇشىن كۇردەلى تەحنولوگيالار قاجەت ەمەس. «ناۋقاس ادامدارمەن بايلانىستا بولعانداردى انىقتاپ، ولاردى كارانتينگە جاتقىزۋ تەك مەديتسينالىق قىزمەتكەرلەردىڭ ەمەس، ءتۇرلى مامانداردىڭ قولىنان دا كەلەدى»، دەپ اتاپ ءوتتى گەبرەيەسۋس.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات