+7 (701) 759 90 19
18 °С : نۇر-سۇلتان
20 °С : الماتى
USD 405.77 EUR 457.91
RUB 5.77 CNY 57.42
جاڭالىقتار

ۇكىمەتتە قازىرگى جاعدايدان شىعۋدىڭ ناقتى جوسپارى بار - الەكسەي سوي

30 ماۋسىم 14:22
:ءبولىسۋ
ۇكىمەتتە قازىرگى جاعدايدان شىعۋدىڭ ناقتى جوسپارى بار - الەكسەي سوي

نۇر-سۇلتان. قازاقپارات - قازاقستان ۇكىمەتى كوروناۆيرۋس احۋالىن تۇراقتاندىرۋدىڭ شۇعىل شارالارىن قامتيتىن ەگجەي-تەگجەيلى جوسپار جاساعان.

و ك ق-دا وتكەن باسپا ءسوز ءماسليحاتىندا دەنساۋلىق ساقتاۋ ءمينيسترى الەكسەي سوي وسىلاي دەدى، دەپ حابارلايدى قازاقپارات ءتىلشىسى.

«ءبىز سانيتارلىق تالاپتاردىڭ بەس التىن ەرەجەسىن جاقسى بىلەمىز: ماسكا مەن قولعاپ كيىپ ءجۇرۋ كەرەك، قولدى جۋىپ، قاشىقتىقتى ساقتاۋ كەرەك، ادام كوپ جينالاتىن ورىنعا بارماعان ءجون. كەزدەسۋ كەزىندە قولمەن امانداسىپ، قۇشاقتاسپاعان ابزال. الايدا ءىس جۇزىندە بۇل ەرەجەلەردىڭ كوبى ساقتالا بەرمەيتىنىن كورىپ وتىرمىز»، - دەدى مينيستر.

الەكسەي سويدىڭ ايتۋىنشا، وسى ەرەجەلەردى قاتاڭ ساقتاعان جاعدايدا عانا تۋعان-تۋىستارىڭىزدى قاۋىپتەن قۇتقاراسىز.

«ەل ىشىندە ىندەت كەڭىنەن تاراپ بارادى. بالكىم، حالىق اراسىندا ۆيرۋستىڭ جاپپاي تارالۋىن توقتاتۋ ءۇشىن قوسىمشا شارالار كەرەك بولار. البەتتە، پروبلەما مەن جوعارىدا اتاعان ماسەلەلەرمەن شەكتەلمەيدى. ءبىراق تاعى ءبىر مارتە ايتا كەتەيىن - ۇكىمەت قازىرگى جاعدايدان قالاي شىعۋ كەرەكتىگىن كورىپ وتىر ءارى وندا احۋالدى تۇراقتاندىرۋدىڭ شۇعىل شارالارىن قامتيتىن ەگجەي- تەگجەيلى جوسپارى بار»، - دەدى الەكسەي سوي.

سونىمەن بىرگە مينيستر مەديتسينا قىزمەتكەرلەرىنىڭ ەڭبەگىن ەرەكشە اتاپ ءوتتى.

«وسىناۋ قيىن- قىستاۋ كەزەڭدە ولار تۋعان-تۋىستارىنىڭ، وتباسىنىڭ ورتاسىنان كەتىپ، ءقاۋىپتى جاعدايدا ناۋقاستارعا كومەك كورسەتىپ جاتىر. بۇل جىگەر مەن كاسىپكە ادالدىقتى تالاپ ەتەتىن قاتەرلى جۇمىس. وسى سەبەپتى ءبىزدى دە ءتۇسىنىپ، مەديتسينا قىزمەتكەرلەرىن بارىنشا قولداۋعا شاقىرامىن»، - دەدى ول.

ەسكە سالا كەتسەك، ۇكىمەت 2 كۇننىڭ ىشىندە وسى جىلدىڭ ناۋرىز-مامىر ايىنداعىداي قاتاڭ كارانتين شارالارىن ەنگىزۋ بويىنشا ۇسىنىس ازىرلەۋى ءتيىس. بۇل تاپسىرمانى كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندەگى كەڭەس بارىسىندا ق ر پرەزيدەنتى قاسىم-جومارت توقايەۆ بەرگەن ەدى. ءوز تاراپىنان دەنساۋلىق ساقتاۋ ءمينيسترى قاتاڭ كارانتين بويىنشا تۇپكىلىكتى شەشىم جاقىندا قابىلداناتىنىن حابارلاعان بولاتىن.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات