قازاقستاندا كوروناۆيرۋستان كوز جۇمعانداردى جەرلەۋ ەرەجەسى وزگەردى
بۇل تۋرالى و ك ق- دا وتكەن باسپا ءسوز ءماسليحاتىندا دەنساۋلىق ساقتاۋ ءمينيسترى الەكسەي سوي ءمالىم ەتتى، دەپ حابارلايدى قازاقپارات ءتىلشىسى.
«كوز جۇمعان ادامداردى جەرلەۋ ءتارتىبى ماڭىزدى بولىپ قالىپ ءوتىر. قازىرگى تارتىپكە وزگەرىستەر ەنگىزىلدى: قايتىس بولعان ادامدى سانيتارلىق- ەپيدەميولوگيالىق جانە گيگيەنالىق نورمالاردى ساقتاي وتىرىپ، كەز كەلگەن زيراتقا جەرلەۋگە بولادى»، - دەدى الەكسەي سوي.
ايتا كەتسەك، كەيىنگى دەرەكتەرگە قاراعاندا قازاقستاندا كوروناۆيرۋستان 188 ادام قايتىس بولعان. ەسكە سالا كەتسەك، ۇكىمەت 2 كۇننىڭ ىشىندە وسى جىلدىڭ ناۋرىز- مامىر ايىنداعىداي قاتاڭ كارانتين شارالارىن ەنگىزۋ بويىنشا ۇسىنىس ازىرلەۋى ءتيىس. بۇل تاپسىرمانى كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندەگى كەڭەس بارىسىندا ق ر پرەزيدەنتى قاسىم-جومارت توقايەۆ بەرگەن ەدى.
اۆتور: ايان بەكەن ۇلى