+7 (701) 759 90 19
25 °С : نۇر-سۇلتان
27 °С : الماتى
USD 409.98 EUR 462.21
RUB 5.75 CNY 58.43
جاڭالىقتار

قۇس ساڭعىرىعى كولىك بوياۋىن كەتىرە مە؟

30 ماۋسىم 12:19
:ءبولىسۋ
قۇس ساڭعىرىعى كولىك بوياۋىن كەتىرە مە؟

نۇر-سۇلتان. قازاقپارات - كولىك جۇرگىزۋشىلەرى ءۇشىن قيىندىقتىڭ ءبىرى - قۇس ساڭعىرىعى.

جاڭا عانا جۋىپ شىققاندا قۇستار لاستاپ كەتكەن بولسا، كوڭىل-كۇيدى ءتىپتى تۇسىرەدى.

دەگەنمەن قۇس ساڭعىرىعى كولىك كورىگىن قاشىرىپ قانا قويماي، شاناعىنا (كۋزوۆ) دا ايتارلىقتاي زيانىن تيگىزەدى. كەز كەلگەن قۇستىڭ ساڭعىرىعىندا نەسەپ قىشقىلى بولادى.

بۇل - حيميالىق ۇدەرىستى ۇدەتەدى. ناتيجەسىندە كولىك بوياۋىنا زيان كەلە باستايدى. جاز كەزىندە كولىك كۇن استىندا قالاتىن بولسا، زياندى اسەرى بىرنەشە ەسە ارتادى.

نەسەپ قىشقىلىن العاش رەت 1776-جىلى شۆەد حيميگى ءارى فارماتسيەۆتى كارل ۆيلگەلم شەەلە اشقان.

تازا قالپىندا كريستالل ءتارىزدى ءتۇسسىز بولادى. سۋدا، ديەتيل ەفيرى جانە ەتانولدا وڭايلىقپەن ەرىمەيدى. گليتسەرين، ءسىلتى ەرىتىندىلەرى مەن كۇكىرت قىشقىلىندا جاقسى ەريدى. ونەركاسىپتە نەسەپ قىشقىلىن كوفەين سينتەزىندە پايدالانادى.

نەسەپ قىشقىلى قۇستاردىڭ دەنەسىندە ءبىرقاتار فيزيلوگيالىق ەرەكشەلىكتەرىنە بايلانىستى قالىپتاسادى. ياعني بۇيرەكتىڭ دۇرىس جۇمىس جاساۋى ارقىلى پايدا بولادى.

جوعارىدا ايتا كەتكەندەي، سۋدا دۇرىس ەرىمەيتىن بولعاندىقتان قۇس ساڭعىرىعى كوبىنە اق ءتۇستى بولادى.

كولىك بوياۋى بىردەن كوشپەيتىنى دە انىق. ءبىراق سۇرتىلمەي ءبىراز ۋاقىت قالىپ قويىپ، ءتىپتى كۇن ىسىپ كەتسە، كولىكتىڭ كورىگى قاشتى دەي بەرىڭىز. بوياۋى كەتسە، تات باسۋ دا تەز باستالادى.

قۇس ساڭعىرىعىن تەز كەتىرۋدىڭ جولى كولىككە سودا قوسىلعان سۋ سالىپ جۇرگەننىڭ زيانى جوق. كولىگىڭىزگە قۇس ساڭعىرىپ كەتكەندە كومەك بولادى.

ونى شاشىپ، ىسقىش ارقىلى ءسۇرتىپ تاستاساڭىز بولعانى. مۇندا تاعى ەسكەرەتىن جايت بار. قۇستار ءتۇرلى ينفەكتسيالار مەن پارازيتتەردى تاسۋشىلار قاتارىندا. سوندىقتان كولىكتەگى بولسىن، تەرەزەدەگى بولسىن قۇس ساڭعىرىعىن سۇرتكەندە رەزەڭكە قولعاپ كيىپ الىڭىز.

ءسۇرتىپ بولعاننان كەيىن ىسقىش پەن قولعاپقا دەزينفەكتسيا جاساڭىز. قۇس ساڭعىرىعىنان قورعانۋ ءۇشىن اۆتوكولىكتى تۇراققا قويعاندا ءمان بەرىڭىز. قۇستار كوپ قونبايتىن جەردى تاڭداڭىز.

Massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات