ءۇش قازاق موڭعوليا پارلامەنتىنىڭ مۇشەسى اتاندى

نۇر-سۇلتان. قازاقپارات - موڭعوليا ازاماتتىعى بار ءۇش ەتنيكالىق قازاق موڭعول پارلامەنتىنە مۇشە بولدى.

ولاردىڭ ءبىرى مينيستر قىزمەتىن ءۇش جىل بويى اتقارىپ كەلگەن دەپ حابارلايدى KAZ. NUR. KZ.

66 جاستاعى مينيستر بەدەلحان قابدىيسلام ۇلى، 44 جاستاعى كاسىپكەر اۋباكىر تىلەۋحان ۇلى جانە 58 جاستاعى دارىگەر بەيسەن بۇلان ۇلى موڭعولياداعى جاڭا پارلامەنتتىڭ مۇشەلەرى اتاندى.

ولاردىڭ بارلىعى بايان-ولگەي ايماعىندا تۇرادى دەپ حابارلايدى Sputnik قازاقستان.

باسىلىمنىڭ حابارلاۋىنشا، موڭعوليادا پارلامەنت دەپ اتالاتىن ۇلى مەملەكەتتىك حۋرال مۇشەلەرى ءار 4 -جىل سايىن سايلانادى ەكەن. بيىل پارلامەنتتەگى ءبىر ورىنعا 7 ۇمىتكەر تالاسقا ءتۇسىپتى.

مانداتتاردىڭ كوپ بولىگىن موڭعوليا حالىقتىق پارتياسى جەڭىپ الدى، 10 نان ءسال استامى دەموكراتيالىق پارتياعا ءتيدى، قالعانى ءوزىن-ءوزى ۇسىنعان جانە باسقا پارتيالار اراسىندا ءبولىندى.

بايان-ولگەي اۋداندارىنان 15 كانديدات ۇسىنىلعان، ءبىراق ناتيجەسىندە ءۇش ەتنيكالىق قازاق اتالعان ورىنعا يە بولدى. جاڭادان سايلانعان دەپۋتات ءارى قازىرگى ۋاقىتتا قۇرىلىس جانە قالا قۇرىلىسى ءمينيسترى بولىپ تابىلاتىن قابدىيسلامنىڭ ايتۋىنشا، ول پارلامەنتتەگى ورىن ءۇشىن كافەدرا باسشىلىعىنان كەتۋگە ءماجبۇر بولىپتى.

باسىلىم مونعوليانىڭ ەلدە سوڭعى 5 جىل ىشىندە ءومىر سۇرگەن 25 جاستان اسقان ءاربىر ازاماتى دەپۋتات بولا الاتىندىعىن اتاپ ءوتتى.

ەسكە سالساق، بيىل اقپان ايىندا اسپان استى ەلىنە ءىس-ساپارمەن بولعان موڭعوليا دەلەگاتسياسى ەكى اپتاعا كارانتينگە جاتقىزىلعان بولاتىن. ولاردىڭ اراسىندا ەل پرەزيدەنتى حالتمااگيين باتتۋلگا دا بولعانىن جازعان ەدىك.