10:30, 30 - ماۋسىم 2020 | GMT +6
استانا اۆتوبۋستارىن دەزينفەكتسيالاۋعا كۇن سايىن قانشا مىڭ ليتر ەرىتىندى قولدانىلادى؟
نۇر-سۇلتان. قازاقپارات - نۇر-سۇلتاننىڭ اۆتوبۋستارى مەن اۆتوپاركتەرىندە دەزينفەكتسيا جۇمىسى جالعاسۋدا، دەپ حابارلايدى قازاقپارات اكىمدىكتىڭ Facebook پاراقشاسىنا سىلتەمە جاساپ.
ەلوردانىڭ قوعامدىق كولىگىن سانيتارلىق وڭدەۋ ءۇشىن كۇن سايىن 2400 ليتر دەزينفەكتسيالىق ەرىتىندى پايدالانىلادى.
قوعامدىق كولىكتە اۋرۋدىڭ الدىن الىپ، پروفيلاكتيكالىق جۇمىس جۇرگىزۋ ءۇشىن مۇقيات دەزينفەكتسيا جاسالادى. وسىلاي وڭدەۋ ۇدايى وتكىزىلىپ تۇراتىنىن ايتا كەتۋ كەرەك.
«ماسكا رەجيمىن ساقتاۋدى ۇمىتپاڭىزدار. اۆتوبۋسقا ماسكا كيمەگەن ادامدى وتىرعىزبايدى. سونداي-اق اۆتوبۋسقا تەك الدىڭعى ەسىگىنەن كىرۋ كەرەك. ال جولاقىنى قاعاز اقشاسىز، كولىك كارتاسىمەن نەمەسە SMS، QR- كود ارقىلى تولەۋگە تۋرا كەلەدى» دەلىنگەن حابارلامادا.