ۇلتتىق قۇراما كوماندالاردىڭ وقۋ-جاتتىعۋ جيىندارى توقتاتىلادى
1- شىلدەدەن باستاپ بارلىق قۇراما كوماندالاردىڭ وقۋ-جاتتىعۋ جيىندارى توقتاتىلدى. مۇنداي شەشىم قازاقستاندا كوروناۆيرۋس ىندەتىنىڭ ورشۋىنە جانە كوپتەگەن ءىرى حالىقارالىق جارىستاردىڭ كەيىنگە شەگەرىلۋىنە بايلانىستى قابىلدانعان.
سونىمەن بىرگە، قازىرگى تاڭدا جاتتىعۋ جيىندارىن وتكىزىپ جاتقان كوماندانىڭ بارلىعى توقتاتىلىپ، بۇدان كەيىن جوسپارلانعان جيىندار وتپەيتىن بولادى.
«ماۋسىم ايىندا وقشاۋلانۋ رەجيمىندە بىرنەشە قۇراما كوماندا وقۋ-جاتتىعۋ جيىندارىن ءساتتى وتكىزدى. سونداي-اق، تاعى بىرنەشە كوماندا سانيتارلىق-دەزينفەكتسيالىق تالاپتاردى ساقتاي وتىرىپ سپورت نىساندارىندا جاتتىعۋىن جالعاستىرۋدا. ەلىمىزدە ەپيدەميالىق جاعدايدىڭ ءورشىپ كەتۋىنە بايلانىستى، سونىمەن قاتار، قۇزىرلى مەكەمەلەرمەن اقىلداسا كەلە جەدەل شتاب توبى قۇرامالاردىڭ جاتتىعۋ جيىندارىن توقتاتۋ تۋرالى شەشىم قابىلدادى. ءبىز جاعدايدى كۇندە ءجىتى قاداعالاپ وتىرمىز. ايتا كەتەرلىگى، ۇ و ك ءۇشىن سپورتشىلاردىڭ دەنساۋلىعى ءاردايىم ءبىرىنشى كەزەكتە تۇرادى»، دەيدى جەدەل شتابتىڭ جەتەكشىسى، سپورت ديرەكتسياسىنىڭ ديرەكتورى ەلسيار قاناعاتوۆ.
1-29- ماۋسىم ارالىعىندا 12 سپورتتىق نىساندا 26 وقۋ-جاتتىعۋ جيىندارى وتكىزىلدى. وعان 22 ۇلتتىق قۇراما كومانداسى قاتىستى. و ج ج قاۋىپسىزدىك شاراسى قاتاڭ ساقتالعان سپورت نىساندارىندا كەزەڭ-كەزەڭىمەن ءوتتى.