+7 (701) 759 90 19
25 °С : نۇر-سۇلتان
27 °С : الماتى
USD 409.98 EUR 462.21
RUB 5.75 CNY 58.43
جاڭالىقتار

تەننيستەن دەۆيس جانە فەدەراتسيا كۋبوگىنىڭ فينالى كەلەسى جىلعا قالدىرىلدى

30 ماۋسىم 07:52
:ءبولىسۋ
تەننيستەن دەۆيس جانە فەدەراتسيا كۋبوگىنىڭ فينالى كەلەسى جىلعا قالدىرىلدى

نۇر-سۇلتان. قازاقپارات - حالىقارالىق تەننيس فەدەراتسياسى (ITF) دەۆيس جانە فەدەراتسيا كۋبوگىنىڭ فينالدىق كەزەڭى 2021-جىلعا اۋىستىرىلعانىن جەتكىزدى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسىنان الىنعان مالىمەتكە قاراعاندا، ITF پرەزيدەنتى دەۆيد حاگگەرتي كوروناۆيرۋس قاتەرىنە بايلانىستى كوماندالىق جارىستاردىڭ كەلەسى جىلعا شەگەرىلگەنىن مالىمدەدى.

دەۆيس كۋبوگىنىڭ فينالى بيىل 22-29- قاراشادا مادريدتە ءوتۋى كەرەك ەدى. ەندى ول 2021-جىلى 22-28- قاراشادا مادريدتە وتەتىن بولدى.

جارىسقا بيىلعى فينالعا جولداما العان 18 كوماندا قاتىسادى. مادريدكە قازاقستان ەرلەر قۇراماسى دا بارادى. ولاردىڭ بولاشاق قارسىلاستارى شۆەتسيا مەن كانادا تەننيسشىلەرى بولماق.

سول سەكىلدى فەدەراتسيا كۋبوگىنىڭ فينالدىق كەزەڭى الداعى جىلى 13-18- ساۋىردە بۋداپەشتە وتەتىن بولدى. بۇعان دا قازاقستاندىق قۇرامانىڭ قاتىسۋعا مۇمكىندىگى بار.

قازاقستان ايەلدەر قۇراماسى پلەي-وفف ماتچىن 2021-جىلعى 5-6- اقپان كۇندەرى ارگەنتينا تەننيسشىلەرىمەن وتكىزەدى. بيىل كوروناۆيرۋس قاتەرىنە بايلانىستى ATP مەن WTA- نىڭ بارلىق جارىستارى كەيىنگە قالدىرىلعان بولاتىن.

بۇل دودالار تامىزدا عانا جالعاسۋى مۇمكىن. ەسكە سالا كەتەيىك، بۇدان بۇرىن دميتري پوپكونىڭ ا ق ش- تاعى تۋرنيردە ءبىر كۇندە ءۇش جەڭىسكە قول جەتكىزگەنىن جازعان بولاتىنبىز.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات