مەملەكەت باسشىسى ازىق- تۇلىكتىڭ قولجەتىمدىلىگىن قاداعالاۋدى تاپسىردى
«ازىق- تۇلىك باعاسىنىڭ تۇراقتىلىعى مەن ونىڭ حالىق ءۇشىن قولجەتىمدىلىگىن قامتاماسىز ەتۋ قاجەت. جۇمىسپەن قامتۋدى ءارى ەكونوميكالىق بەلسەندىلىكتى قولداۋ ماسەلەسى اسا ماڭىزدى مانگە يە. ەكونوميكالىق ءوسىمدى قالپىنا كەلتىرۋ بويىنشا كەشەندى جوسپار تولىققاندى ورىندالۋى ءتيىس» - دەدى پرەزيدەنت كوروناۆيرۋس ىندەتىنىڭ تارالۋىنا قارسى كۇرەس شارالارى جونىندەگى كەڭەستە.
مەملەكەت باسشىسى وسى تاقىرىپتار 10 - شىلدەدە ۇكىمەتتىڭ كەڭەيتىلگەن وتىرىسىندا ەگجەي- تەگجەيلى قارالاتىنىن اتاپ ءوتتى.
«بۇل مىندەتتەر ءار اكىمنىڭ ەرەكشە باقىلاۋىندا بولۋى كەرەك. مەملەكەتتىك كوميسسياعا كۇن سايىن جەرگىلىكتى جەرلەردەگى جاعدايدى قاداعالاي وتىرىپ، وسى تاقىرىپتى ۇنەمى نازاردا ۇستاۋدى تاپسىرامىن. اكىمدىكتەر وندىرۋشىلەرمەن جانە بيزنەس- قوعامداستىقپەن تىعىز ءوزارا ءىس- قيمىلدى جالعاستىرعانى ءجون»، - دەدى قاسىم- جومارت توقايەۆ.