قازاقستان قاتاڭ كارانتين شارالارىنا ورالۋى مۇمكىن - توقايەۆ تاپسىرما بەردى
بۇل تۋرالى كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندەگى كەڭەس بارىسىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«ىندەتپەن كۇرەس، تەرىس الەۋمەتتىك جانە ەكونوميكالىق اسەرلەردى جويۋ بويىنشا بارلىق شەشىمدەردى پرەمەر- ءمينيستردىڭ جەتەكشىلىگىندەگى مەملەكەتتىك كوميسسيا اياسىندا ازىرلەۋدى تاپسىرامىن. مەملەكەتتىك كوميسسيا سىني رەسۋرستاردى بولۋگە ورتالىقتاندىرىلعان باقىلاۋدى قامتاماسىز ەتۋى ءتيىس. قازىرگى ەپيدەميولوگيالىق احۋالدى تۇراقتاندىرۋ بويىنشا شۇعىل شارالار قابىلدانۋ ماقساتىندا مەملەكەتتىك كوميسسياعا ەكى كۇندىك مەرزىمدە وسى جىلدىڭ ناۋرىز- مامىرىندا قولدانىستا بولعان قاتاڭ كارانتيندى ەنگىزۋ بويىنشا ماسەلەلەردى ازىرلەپ، مەنىڭ قاراۋىما ۇسىنۋدى تاپسىرامىن»، - دەدى مەملەكەت باسشىسى.
اۆتور: مارلان جيەمباي