14:28, 29 - ماۋسىم 2020 | GMT +6
الماتىدا كولىك بانك عيماراتىنا سوعىلىپ، كىشكەنتاي بالانى قاعا جازدادى
الماتى. قازاقپارات - الماتىدا ءبىر-بىرىنە سوعىلعان ەكى كولىكتىڭ ءبىرى بانك عيماراتىن قاعىپ توقتادى، دەپ حابارلايدى قازاقپارات ءتىلشىسى.
جول اپاتى اباي جانە بايتۇرسىنوۆ كوشەلەرىنىڭ قيىلىسىندا بولعان. ۆيدەو الەۋمەتتىك جەلىدە جاريالاندى. بەينەكادردە كولىكتىڭ ارباداعى بالانى سوعىپ كەتە جازداعانى ءتۇسىپ قالعان.
بانك قىزمەتكەرلەرى مەن كليەنتتەرىنەن ەشكىم جاپا شەكپەدى. پوليتسيا دەپارتامەنتىنىڭ مالىمدەۋىنشە، جۇرگىزۋشىلەردىڭ ءبىرى كولىك تىزگىنىنەن ايرىلىپ قالعان. جول اپاتىنان 2 جولاۋشى جاراقات الدى.
«ولار اۋرۋحاناعا جەتكىزىلدى. تەرگەۋ ءىسى اياسىندا سوت-مەديتسينالىق ساراپتاما تاعايىندالعان. قازىر بۇل ءىستىڭ ءمان- جايىن بوستاندىق اۋداندىق پوليتسيا باسقارماسى تەكسەرىپ جاتىر»، - دەدى پ د.
اۆتور: گۇلميرا عوسمانالي